Xitay ürümchide qosh tili mutexessisliri "iskilati" qurdi

2008-01-13
Élxet
Pikir
Share
Print

Uyghur aptonom rayoni da'iriliri qosh tilliq ma'aripning tereqqiyat süritini téximu tézlitishning yene bir wasitisi süpitide "qosh til oqutush mutexessisliri iskilati" dep atilidighan bir orun qurup , buninggha qosh tili oqutushta tejribisi mol dep qaralghan alimlar, mutexessisler we oqutquchilardin bolup, 273 ademni deslepki qedemdiki eza qilip békitti.

Shinxu'a xewer torining ashkarilishiche, mezkur " mutexessisler iskilati "ning ezalirining wezipisi qosh tilliq oqutush ehwalini közitish hem tetqiq qilishtin bashqa yene bashqurush xizmetlirige qatnishishtin ibaret iken. Mutexessisler iskilatining ezaliri yene yerlik organlargha qosh tili oqutushqa a'it teklip we pikirlirini béreleydiken.

Uyghur aptonom rayonluq ma'arip nazariti qosh tilliq oqutush mutexessisliri iskilatining qurulushining buningdin kéyin aptonom rayonning qosh tilliq ma'aripini téximu tereqqi qildurush, oqutush métodi we süpet östürüsh hem qéliplashturushta zor ehmiyetke ige ikenlikini bildürgen. Lékin, dunya Uyghur qurultiyi qosh tilliq ma'arip dégenning Uyghur tilidiki ma'aripni tamamen yoqitip, peqet xitay tilini dessitish shuningdek kelgüside Uyghurlarni assimilyatsiye qilip, xitay millitige singdurush dep qarimaqta. (Ümidwar)

Pikirler (0)
Share
Toluq bet