1 ‏ - Өктәбир мунасивити билән уйғур елида бихәтәрлик тәдбирлири күчәйтилиду

Хоңкоң кишилик һоқуқ вә демократийә учур мәркизиниң пәйшәнбә күни ашкарилишичә, хитай даирилири 1 ‏ - өктәбир дөләт байриминиң бихәтәрлики үчүн, уйғур елида 200 миң нәпәр аманлиқ қоғдиғучи вә һәрбий қисимлирини ишқа салидикән.
Мухбиримиз әқидә хәвири
2008-08-28
Елхәт
Пикир
Share
Принт

   Учур мәркизиниң билдүрүшичә, аманлиқ тәдбирлири ичигә, уйғур елигә сирттин кәлгән мәдикар, саяһәтчи вә яки турушлуқ нопуси болмиған барлиқ кишиләр тәкшүрүлгәндин сирт, меһманхана, киралиқ туралғу өйләр вә чәт йезиларға қәдәр тәкшүрүш астиға елинидикән.

Учур мәркизиниң хәвиридә йәнә, болупму нөвәттә һөкүмәт тәрипидин хәтәрлик җайлар дәп қаралған қәшқәр, хотән қатарлиқ җайларға қаритилған тәкшүрүш хизмити алаһидә күчәйтилип, террорчиларни һимайисигә алған һәрқандақ бир кишиниң қаттиқ җазалинидиғанлиқи, террорлуқ вәқәлири йүз бәргән җайларда әтраптики аһалиларниңму мәсулийитиниң қаттиқ сүрүштә қилинидиғанлиқи тәкитләнгән.

4 ‏ - Авғуст қәшқәрдә икки уйғур яш 16 хитай қораллиқ сақчи әскирини өлтүрүш һәм, 10 ‏ - авғуст куча вәқәсидә 12 адәмниң өлүшидәк бир қатар вәқәләр садир болған иди.
Пикирләр (0)
Share
Толуқ бәт