1 ‏ - Öktebir munasiwiti bilen Uyghur élida bixeterlik tedbirliri kücheytilidu

Xongkong kishilik hoquq we démokratiye uchur merkizining peyshenbe küni ashkarilishiche, xitay da'iriliri 1 ‏ - öktebir dölet bayrimining bixeterliki üchün, Uyghur élida 200 ming neper amanliq qoghdighuchi we herbiy qisimlirini ishqa salidiken.
Muxbirimiz eqide xewiri
2008-08-28
Élxet
Pikir
Share
Print

   Uchur merkizining bildürüshiche, amanliq tedbirliri ichige, Uyghur élige sirttin kelgen medikar, sayahetchi we yaki turushluq nopusi bolmighan barliq kishiler tekshürülgendin sirt, méhmanxana, kiraliq turalghu öyler we chet yézilargha qeder tekshürüsh astigha élinidiken.

Uchur merkizining xewiride yene, bolupmu nöwette hökümet teripidin xeterlik jaylar dep qaralghan qeshqer, xoten qatarliq jaylargha qaritilghan tekshürüsh xizmiti alahide kücheytilip, térrorchilarni himayisige alghan herqandaq bir kishining qattiq jazalinidighanliqi, térrorluq weqeliri yüz bergen jaylarda etraptiki ahalilarningmu mes'uliyitining qattiq sürüshte qilinidighanliqi tekitlen'gen.

4 ‏ - Awghust qeshqerde ikki Uyghur yash 16 xitay qoralliq saqchi eskirini öltürüsh hem, 10 ‏ - awghust kucha weqeside 12 ademning ölüshidek bir qatar weqeler sadir bolghan idi.
Toluq bet