Xitay hökümiti Uyghur diniy zatlirini kompartiye siyasitige boysundurushqa urunmaqta

2007-04-24
Élxet
Pikir
Share
Print

Xitay da'iriliri Uyghur diniy zatlarni wetenperwer diniy zat qilip terbiyelesh herikitini kücheytishni izchil dawamlashturushqa ehmiyet bériwatqan bolup, ottura yash we yash wetenperwer diniy zatlarning 5 ‏- qararliq kursi24 ‏- april küni resmiy ders bashlighan.

Xitay axbarat wastilirining bu heqte bergen xewerliridin ashkarilinishiche, 2003 ‏- yilidin bashlap Uyghur élide élip bérilghan wetenperwer zatlarni terbiyelesh herikiti, ishenchilik , wetenni söyüsh qizghinliqi yuqiri ottura yash we yash diniy zatlar qoshuni berpa qilishni meqset qilghan.

Xitayning Uyghur élidiki partkom emeldari shewket iminning sözini neqil keltürgen xewerde": wetenperwer diniy zatlar özining burchi, mes'uliyet tuyghusi we texirsizlikini téximu kücheytip, wetenni , dinni söyüshtek yaxshi en'enisini dawamliq jari qildurup, din'gha étiqad qilidighan ammini ittipaqlashturup, " uch xl küch" ke qarshi küresh qilishqa yéteklep we dinniy sotsiyalistik jem'iyetke maslashturushtiki bashlamchiliq rolini jari qildurup, inaq shinjang berpa qilishqa töhpe qoshush kérek" dégen.

Dinni, kompartiye siyasitige tedbiqlash uqumining xitaydin bashqa dunyaning héchqandaq yéride teshebbüs qilinmaydighanliqini bildürgen, dunya Uyghur qurultiyining bayanatchisi dilshat rishit , shawket iminning sözige qattiq reddiye bérip, xitay da'irilirining héchqachan xelqqe diniy erkinlik bermigenlikini, kompartiye siyasiti bilen dinni bir - birige maslashturush prinsipining özi diniy erkinlikni kontrol qilishning eng chong delil ispati hésablinidighanliqini otturigha qoydi. (Eqide)

Pikirler (0)
Share
Toluq bet