Xitay Uyghur élining tebi'iy gazlirini toshush qedimini tézletmekte

2007-11-19
Élxet
Pikir
Share
Print

Xitay axbarat wastiliri bergen xewerlerdin ashkarilinishiche , tarim néfitlik shirkiti bu yil noyabir ghiche, tebi'iy gaz ishlepchiqirish mehsulat miqdari we gherbning gazini sherqqe yötkesh miqdarini bulturqidin ashurghan.

Xewerdin ashkarilinishiche, xitaydiki junggo néfit we tebi'iy gaz guruhi shirkiti tarim néfitlik shirkiti bu yil 31- öktebirgiche ishlepchiqarghan tebi'iy gaz 13 milyard 200 milyon kup métirgha , gherbning gazini sherqqe yötkesh turubisi arqiliq yötkigen tebi'iy gaz 11 milyard 200 milyon kop métirgha yetken.

Xewerde körsitilishiche yene, mezkur néfit shirkitining kündilik tebi'iy gaz ishlepchiqirish miqdari 45 milyon kup métirdin ashqan bolup, bu yilning axirghiche ishlepchiqiridighan tebi'iy gazning omumiy miqdari 15milyard 700 milyon kup métirgha yétip xitay buyiche aldin orun'gha ötidiken.

Xitay Uyghur élining tebi'iy gazlirini sherqqe yötkesh qedimini téximu tizlitish üchün 2004- yili gherbning gazini sherqqe yötkesh turuba liniyisi qurulushini tamamlighan bolup, igilinishiche, junggo néfit we tebi'iy gaz guruhi shirkiti gherbiy shimalda yene ikkinchi chong néfit gaz turuba qurulushi yasash üchün 102 milyard yüen yeni 13 milyard 600 milyon dollar meblegh salghan. Bu 8 ming kilométirliq néfit, tebi'iy gaz yötkesh turubisi qurulushi kéler yilining béshida bashlinip 2010 ‏- yili pütüp ishqa kirishtürülidiken. (Jüme)

Pikirler (0)
Share
Toluq bet