Uyghur boksyor muhemmed tursun olimpik tenheriket yighinigha qatnishish salahiyitige érishti

2008-02-03
Élxet
Pikir
Share
Print

2-Ayning 1-küni bankokta ötküzülgen béyjing olimpik tenheriket yighinigha qatnishishni qolgha keltüridighan asiya boyiche uyushturulghan boks musabiqisida muhemmed tursun ghelibe qilip, olimpikke qatnishish salahiyitige érishti. U, 64 kilogramliqlar boyiche musabiqige chüshken bolup, u, qirghizistanliq reqibini yéngip, mezkur salahiyetni qolgha keltürgen.

Ötken yili, amérikining chikago shehiride ötküzülgen xelq'ara musabiqige qatnashqan Uyghur yigiti nijat we qazaq yigiti qanatmu ghelibe qazinip, béyjing olimpik musabiqisige qatnishish sheripige muyesser boldi. Memet tursun 2006-yili pütün xitay boyiche yash mahirlar musabiqisida chémpiyon bolghan idi.

Shinxu'a torining xewirige asaslan'ghanda, nöwette, Uyghur diyaridin nijat, muhemmed tursun we qanattin ibaret üch kishi boks boyiche olimpik musabiqisige qatnishish sheripige érishken bolup, bu qétim xitay 10 kishilik boks komandisini musabiqige qatnashturidu. Bu xitay boks tarixidiki tunji ish bolup hésablinidiken. Ilgiri ötküzülgen sidny we afinadiki olimpik musabiqisige abduraxman bilen qanat ayrim-ayrim qatnashqan idi.

Boks xitay üchün yéngi tenheriket türi. Bu türde abdushükür tunji qétim xitay chémpiyoni bolghandin tartip, Uyghur mahirliri dawamliq chémpiyonluqni saqlap kelmekte. Qazaqistandiki Uyghurlar arisidinmu bir qanche neper dunya we yawropa boks chémpiyonliri yétiship chiqqan bolup, bir qisim mutexessisliri mezkur tenheriket türining Uyghurlarning beden sapasigha uyghun kélish ewzellikidin paydilinip, Uyghur rayonining boks ishlirini tereqqi qildurushni otturigha qoyushqan. (Ümidwar)

Pikirler (0)
Share
Toluq bet