Xitay saqchiliri xotende namayishchilardin 600 kishini qolgha alghan

2008-03-31
Élxet
Pikir
Share
Print

Radi'omiz igiligen melumatlargha asaslan'ghanda, 23 ‏ - mart yekshenbe küni xoten shehiride 600 neper kishi xotenning lop qatarliq nahiyilirige qatnaydighan aptobus qatnash tüginige toplinip xitay hökümitining Uyghurlar ustidin yürgüzüwatqan adaletsiz siyasitige qarshi namayish élip barghan bolup, namayish 24 - mart düshenbe künimu oxshash shekilde dawam etken.

Melum bolushiche, namayishchilar asasen ayallar bolup, ular aptobus békitidin xoten chong bazar ichige qarap ilgiriligen, ilgirilesh jeryanida namayishchilar topigha 400 che kishi qoshulghan bolup, axirida namayishchilarning sani 1000 din éship ketken.

Namayishchilar chong bazargha kelgen xitay saqchiliri qorshap ularning aldini tosighan hemde namayishchilarni tarqilip kétishke qistighan bolsimu, emma namayishchilar qaytishni ret qilghan, kéyin namayishni közitip turghuchi amma namayishchilar sépige qoshulup saqchilargha qarshiliq bildürgen.

Netijide namayishchilar bilen saqchilar arisida toqunush yüz bergen bolup, yéqin etraptiki xitay tijaretchiler dukanlirini taqiship kétip qilishqan.

Weqege shahid bolghuchilarning bildürüshiche, namayishchilarning sani ikki mingdin artuq bolup, xitay saqchiliri shu küni namayishchilardin 400 kishini, etisi yene 200 kishini qolgha alghanliqi melum.

Namayishchilar "qiyin qistaq toxtitilsun!", yashisun milly örüp - adet!" dégen'ge oxshash sho'arlarni towlashqan. (Jüme)

Pikirler (0)
Share
Toluq bet