Хәвәрләргә асасланғанда, хотәндә уйғур аяллар намайиш өткүзгән

2008-03-29
Елхәт
Пикир
Share
Принт

Уйғур елидин радиомизға кәлгән инкасларға қариғанда, өткән йәкшәнбә вә дүшәнбә күнлири, ода икки күн, уйғур елиниң хотән шәһиридә, уйғур аяллар тәрипидин наразилиқ намайиши елип берилған.

Игиләшләргә қариғанда, бу қетиқи намайиш, хотәндики атақлиқ қаш теши содигири, мутәллип һаҗимниң түрмидә қйин -қистақ нәтиҗисидә өлгәнлики ашкариланғандин кейин елип берилған болуп, намайишқа нурғун уйғур аял қатнашқан. Хәвәрләргә қариғанда, намайишчилар "түрмиләрдики қейин - қистақлар тохтитилсун" , "сиясий вә диний сәвәбләрдин түрмиләрдә йетиватқан балилиримиз қоюп берилсун", "уйғурларниң уруп-адәтлиригә һөрмәт көрстилсон" дегәнгә охшаш, шуарлар товлиған.

Хотән сақчи даирилири, хотән шәһиридә бундақ бир наразилиқ һәрикити йүз бәргәнликини пүтүнләй рәт қилмақта. Әмма мухбиримизниң бу һәқтики суаллирини җавапландурған хотәндики нурғун кишиләр намайиш елип берилғанлиқини баян қилмақта.

Хотәндики йиян меһманханисиниң бир хитай күткүчиси мухбиримизға бундақ бир намайишниң йүз бәргәнликини етип, "намайишчиларниң һәммиси аяллар иди. Көпинчиси аяллар 600 гә йеқин киши сақчилар тәрипидин тутулди. Биринчи күни 400 әтрапида вә иккинчи күни болса 200 киши тутулди. Сақчилар миһманханимизға келип бизгә бир қисим кишиләрниң исим тизимликини бәрди. Әгәр улар меһманханиға келип қалса, дәрһал сақчиларни хәвәрләндүрүшимизни билдүрди" дегән.

Йәнә хотәндики бәзи кишиләр, намайишниң елип берилғанлиқидин хәвәрсиз икәнликини, әмма шәһәрдә қаттиқ бихәтәрлик тәдбирлири елинғанлиқини вә сақчиларниң хотән аһалисигә өйлиридин сиртқа чиқмаслиқ тоғрисида буйруқ чүшүргәнликини баян қилишмақта. (Өмәр қанат)

Пикирләр (0)
Share
Толуқ бәт