Xewerlerge asaslan'ghanda, xotende Uyghur ayallar namayish ötküzgen

2008-03-29
Élxet
Pikir
Share
Print

Uyghur élidin radi'omizgha kelgen inkaslargha qarighanda, ötken yekshenbe we düshenbe künliri, oda ikki kün, Uyghur élining xoten shehiride, Uyghur ayallar teripidin naraziliq namayishi élip bérilghan.

Igileshlerge qarighanda, bu qétiqi namayish, xotendiki ataqliq qash téshi sodigiri, mutellip hajimning türmide qyin -qistaq netijiside ölgenliki ashkarilan'ghandin kéyin élip bérilghan bolup, namayishqa nurghun Uyghur ayal qatnashqan. Xewerlerge qarighanda, namayishchilar "türmilerdiki qéyin - qistaqlar toxtitilsun" , "siyasiy we diniy seweblerdin türmilerde yétiwatqan balilirimiz qoyup bérilsun", "Uyghurlarning urup-adetlirige hörmet körstilson" dégen'ge oxshash, shu'arlar towlighan.

Xoten saqchi da'iriliri, xoten shehiride bundaq bir naraziliq herikiti yüz bergenlikini pütünley ret qilmaqta. Emma muxbirimizning bu heqtiki su'allirini jawaplandurghan xotendiki nurghun kishiler namayish élip bérilghanliqini bayan qilmaqta.

Xotendiki yiyan méhmanxanisining bir xitay kütküchisi muxbirimizgha bundaq bir namayishning yüz bergenlikini étip, "namayishchilarning hemmisi ayallar idi. Köpinchisi ayallar 600 ge yéqin kishi saqchilar teripidin tutuldi. Birinchi küni 400 etrapida we ikkinchi küni bolsa 200 kishi tutuldi. Saqchilar mihmanxanimizgha kélip bizge bir qisim kishilerning isim tizimlikini berdi. Eger ular méhmanxanigha kélip qalsa, derhal saqchilarni xewerlendürüshimizni bildürdi" dégen.

Yene xotendiki bezi kishiler, namayishning élip bérilghanliqidin xewersiz ikenlikini, emma sheherde qattiq bixeterlik tedbirliri élin'ghanliqini we saqchilarning xoten ahalisige öyliridin sirtqa chiqmasliq toghrisida buyruq chüshürgenlikini bayan qilishmaqta. (Ömer qanat)

Pikirler (0)
Share
Toluq bet