Хотән вадисидики йәр тәврәш һазирғичә 889 қетим давамлашти

2008-03-24
Елхәт
Пикир
Share
Принт

21 - Март йәни норузниң биринчи күни уйғур елиниң хотән вилайитигә қарашлиқ керийә вә чирийә наһийә тәвәликидики бир қисим районларда 7.3 Бал әтрапида йәр тәвригән болуп, мәлуматларға қариғанда, апәтниң биваситә тәсиригә учриған адәм 97 миң нәпәрдин, иқтисади зиян 100 милйон йүәндин ашқан.

Хәвәрдә көрситилишичә йәнә, хотән вадисидики йәр тәврәш бүгүн әтигән үрүмчи вақти 5 тин 57 минут өткичә илгири - кейин болуп 889 қетим көрүлгән болуп, буниң билән апәтниң зийини еғирлишип көлими техиму кеңәйгән.

Бу һәқтә радиомиз илгири игилигән мәлуматларда, хотән вилайитидики бир хитай кадир йәр тәврәш апитигә учриғанларниң көпинчиси уйғурлар икәнликини билдүргән болса, керийәниң атчан йезидики бир оқутқучи йәр тәврәштә синиплар зәхмигә учриған болғачқа дәрс тохтатқанлиқини илгири сүргән иди.

Һазирчә , хитай мәтбуатлирида мәзкур йәр тәврәштә өлүм - йетим һадисиси көрүлгәнлики һәққидә рәсмий мәлуматлар берилмигән болсиму, әмма бәзи ишәнчсиз учурларға қариғанда, бу қетимқи йәр тәврәш апитидә адәм өлгәнлики мәлум. (Җүмә)

Пикирләр (0)
Share
Толуқ бәт