Kroren qedimiy sheher xarabisi buzghunchiliqqa uchrimaqta

2004-10-20
Élxet
Pikir
Share
Print

Uyghur élidiki dölet teripidin qoghdilidighan kroren qedimiy sheher xarabisi nöwette sayahetchi we qedimiy yadikarliq oghrilirining qanunsiz pa'aliyetliri sewebidin éghir buzghunchiliqqa uchrimaqta.

xarabiliq.jpg

Xitay xewer torining melumatigha qarighanda, kroren qedimiy sheher xarabisi Uyghur élining bayin'ghulin mongghol aptonom oblastigha jaylashqan bolup, yéqinqi yillardin buyan bu yerde, sayahetchilerning xarabiliqqa qalaymiqan xet oyush, qedimiy yadikarliqlarni ornidin ruxsetsiz yötkesh ehwalliri körülgen.

Bolupmu -1999yildin buyan qebre oghurlash ehwali éghir ewj élip, kroren qedimiy xarabisini éghir buzghunchiliqqa uchratmaqta iken. Xewerde körsitilishiche, Uyghur élidiki munasiwetlik organlar yéqinda “ kroren qedimiy sheher xarabisini bashqurush layihisi” ni tüzüp chiqip, uni bu yil axirighiche aptonom rayonluq xelq qurultiyi da'imiy hey'et komitétigha sunidiken.

Kroren qedimiy sheher xarabisi Uyghur élidiki muhim qedimiy medeniy bayliqlarning bir bolup, u arxi'ologiye saheside yüksek qimmetke igedur. Gerche Uyghur élidiki qedimiy yadikarliqlarni buzush we oghurlash ishliri xélidin béri köp köriliwatqan bir ehwal bolsimu, lékin hazirghiche buninggha ünümlük bir chare qollinilmidi.(Peride)

Pikirler (0)
Share
Toluq bet