Yawropa parlamént ezaliri rabiye qadir xanimni qollash heqqide muraji'etname élan qildi

2008-03-13
Élxet
Pikir
Share
Print

Yawropa parlamént ezaliri dunya Uyghur qurultiyining re'isi, Uyghur milliy herikitining rehbiri rabiye qadir xanimni qollash heqqide muraji'etname teyyarlap imza toplidi.

Qurulghanliqining 50 yilliqini tebriklewatqan yawropa parlaméntida, tünügün Uyghurlar menpe'eti üchün paydiliq bir heriket bashlandi. Parlaméntning Pannella Markco we Cappato Marco qatarliq parlamént ezaliri tinchliqperwer rehber rabiye qadir xanimni qollash heqqide mexsus muraji'etname teyyarlap imza toplidi.

Muraji'ette, yawropa parlamént ezalirini rabiye qadirni qollashqa chaqirish bilen Uyghur xelqining xitayning zulumkar siyasiti astida éghir azap chékiwatqanliqi eskertilgen hem xitayni ayrim weqelerni bahane qilip, pütün bir milletni eyibleydighan qilmishlardin waz kéchishke chaqirghan.

Yawropa parlamént ezaliri rabiye qadirni qollash heqqide muraji'etni teyyarlashtin bir kün awwal, xitay tashqi ishlar minisitirliqining bayanatchisi chén gang, muxbirlarning so'aligha jawab bériwatqanda, rabiye qadir heqqide toxtalghan we rabiyege oxshash kishiler Uyghur xelqining wekili emes, térrorchilarning wekili dep bayanat bergen idi.

Shunga bir qisim közetküchiler, yawropa parlamént ezalirining bu herikitini, xitay tashqi ishlar ministirliqining rabiye qadir heqqidiki eyiplimisige qarita bir jawab dep qarashmaqta we xitay terep ashkarilighan ayrupilan weqesi heqqidiki xewerlerning xitayning menpe'eti üchün emes, Uyghurlarning menpe'eti üchün paydiliq bolghanliqini bildürüshmekte. (Eqide)

Pikirler (0)
Share
Toluq bet