Isma'il tiliwaldi we wang léchüenning yéngi yil nutqi

2006-01-02
Élxet
Pikir
Share
Print

2006-Yilining yétip kélishi bilen Uyghur aptonom rayonidiki xitay bashliqliri yéngi yil tebriklirini élan qildi.

1-Ayning 1-küni Uyghur aptonom rayonining re'isi isma'il tiliwaldi, xitay kompartiyisining Uyghur élidiki hökümet metbu'at orunliri hésablinidighan tengri tagh torida, Uyghur aptonom rayonluq kompartiye komitétining sékritari wang léchüen shinjang xelq radi'o istansisi arqiliq özlirining yéngi yil tebriknamilirini élan qildi.

Isma'il tiliwaldi bilen wang léchüenning mezkur yéngi yil tebrik nutuqlirining mezmunlirida melum perqler mewjut bolup, isma'il tiliwaldi özining xitay katipliri teyyarlap bergen nuqtida milliy bölgünchilikke zerbe bérish témisini alahide tekitlep, Uyghur élidiki barliq xelqqe yéngi bir yilda "chégrining ichi –sirtidiki milliy bölgünchi küchlerning buzghunchiliq heriketlirige qattiq zerbe bérip, wetenning birlikini qoghdayli" dep chaqiriq qilghan. Emma, ezeldinla özining her bir söz-nutuqlirida "milliy bölgünchilikke qattiq zerbe bérip, muqimliqni qoghdashni" tekitleshni untup qalmighan wang léchüen özining mezkur yéngi yil nuqtida atalmish "milliy bölgünchilerge zerbe bérish" dégen bu kona atalghusini ishletmigen.

Chet'ellerdiki Uyghur közetküchilrining éytishiche, bu xitay siyasetchilirining yéngi taktikisidin ibaret bolup, ular isma'il tiliwaldi qatarliq xitay kompartiyisi özliri terbiyilep, hoquqqa teyinligen Uyghurlar arqiliq Uyghurlarning musteqilliq we démokratik heriketlirige zerbe bérip, xelq'ara jemiyetke Uyghurlarning musteqilliqni xalimaydighanliqini, Uyghurlarning xitay hökümitini himaye qilidighanliqini ispatlashqa tirishmaqchi bolghan.

12-Ayning 31-küni kechte amérika Uyghurlirining washin'gtonda ötküzgen yéngi yilni kütüwélish pa'aliyitide, xelq'ara Uyghur kishilik hoquq we démokratiye fondi jemiyitining prézidénti, ataqliq kishilik hoquq pa'aliyetchisi rabiye qadir xanim Uyghur xelqini téximu ittipaqliship küresh qilish arqiliq özlirining azadliqini, musteqilliqini we erkinlikini qolgha keltürüshke chaqirdi. (Ümidwar)

Pikirler (0)
Share
Toluq bet