ئۇيغۇر ئېلىنىڭ ئونسۇ ناھىيىسىدە 4.7 بال يەر تەۋرىدى

2005-01-19
ئېلخەت
پىكىر
Share
پرىنت

ئۇيغۇر ئېلى ئاقسۇ ۋىلايىتىنىڭ ئونسۇ ناھىيىسىدە سەيشەنبە كۈنى 4.7 بال يەر تەۋرىگەن ئەمما بەختكە يارىشا ھېچقانداق زىيان-زەخمەت كېلىپ چىقمىغان.

ئامېرىكا بىرلەشمە ئاگېنتلىقىنىڭ خەۋىرىدە كۆرسىتىلىشىچە، ئۈرۈمچىدىن 1100 كىلومېتىر يىراقلىققا جايلاشقان ئونسۇ ناھىيىسىدىكى بۇ يەر تەۋرەش سەيشەنبە كۈنى چۈشتىن كېيىن يەرلىك ۋاقىت سائەت 2 يېرىملاردا يۈز بەرگەن بولۇپ، بۇنىڭدىن يەرلىك خەلقلەر كۈچلۈك سىلكىنىشنى ھېس قىلغان.

ئادەتتە ئۇيغۇر ئېلىنىڭ جەنۇبىي رايونلىرى يەر تەۋرەش بىر قەدەر كۆپ يۈز بېرىدىغان رايون بولۇپ، 2003 - يىلى 2 - ئايدا قەشقەر ۋىلايىتىنىڭ مارالبېشى ۋە پەيزىۋات ناھىيىلىرىدا 6.8 بال يەر تەۋرەپ 268 كىشى قازا قىلغان ئىدى. (پەرىدە )

پىكىرلەر (0)
Share
تولۇق بەت