Ташқорғанда уйғур - пакистан чегра сода йәрмәнкиси башланди

2005-06-17
Елхәт
Пикир
Share
Принт

Уйғур аптоном райониниң пакистан чегрисида ташқорған наһийисидики уйғур аптоном райони - пакистан чегра район пуқралириниң сода йәрмәнкиси биринчи һәптисини өткүзди. Йәрмәнкә өткән һәптиниң чаршәнбә күни башланған. Алдимиздики сәйшәнбә вә чаршәнбә күнлири қайта ечилиду.

Қәшқәр вилайити пакистанниң чегра өлкисидики даириләр билән имзалиған келишим бойичә, буниңдин кейин һәр йил 1 - майдин 31 - декабирғичә, һәр һәптиниң сәйшәнбә вә чаршәнбә күнлири базар күни қилип бекитилгән. Шинхуа ахбарат агентлиқиниң хәвәр қилишичә, пакистандин елип барған яки пакистанға елип чиқидиған малларға експорт яки импорт товарлири сүпитидә муамилә қилинидикән.

Базарда җәмий 77 дукан тәсис қилинған болуп, тиҗарәтчиләр содида йүән, рупийә яки америка доллирини ишләтсә болидидикән һәм малға - мал алмаштурса рухсәт қилинидикән.

Ташқорған, уйғур аптоном райониниң җәнубидики афғанистан вә пакистан чегрилинидиған истратегийилик орни интайин муһим җай. Хитай һөкүмити 1980 - йилларда муҗаһидларниң совет иттипақи армийисигә қарши урушиға ташқорған арқилиқ ярдәм берәтти.

Америка, 11 - синтәбир вәқәсидин кейин афғанистанға һәрбий һуҗум қозғиғанда, хитай һөкүмити ташқорғанға икки дивизийә қошун йөткәп, қонҗирап еғизини тақиған шундақла ташқорғандики йәрлик пуқраларни қәшқәрниң ички районлириға йөткигән иди. (Әркин)

Пикирләр (0)
Share
Толуқ бәт