Xotendiki bir saqchi: héytta söz-chöchek tarqatqan 30 nechche kishini tekshürduq, 10 nepirini tutup turuwatimiz

Muxbirimiz shöhret hoshur
2019-08-13
Élxet
Pikir
Share
Print
Héyt salimi uchuri heqqide agahlandurush bériwatqan ikki saqchi xadimi.
Héyt salimi uchuri heqqide agahlandurush bériwatqan ikki saqchi xadimi.
Social Media

Ijtima'iy taratqularda Uyghur rayondiki melum bir saqchi idarisi xadimlirining ahalilerni "Héyt salami bérishke ruxset yoq" dégen "Pitne-pasatni tarqatmasliq" heqqide agahlanduruwatqanliqi toghrisidiki widiyoluq uchur tarqaldi.

Muxbirimizning éniqlashliri dawamida xotenning duwa yézisida 6 kishining bu toghrida soraq qilinip qoyup bérilgenliki, chira bazirida bolsa 30 nechche kishi soraq qilinip 10 kishining hélihem tutup turuluwatqanliqi ashkarilandi.

Ijtima'iy taratqularda bügün, 13-awghust küni Uyghur rayonidiki melum bir saqchi idarisi xadimlirining ahalilerni söz chöchek tarqatmasliq heqqide agahlanduruwatqanliqi heqqide uchur tarqaldi. Bu uchurdin melum bolushiche bezi jaylarda, ahaliler arisida héyt salami berse bolmaydighanliqi heqqide gep-söz tarqalghan. Emma mezkur widiyo uchurida, héyt salami bérishke bolmaydu dégen bu uchurning kimler teripidin tarqalghanliqi eskertilmigen. Ismini ashkarilashni xalimaydighan weziyettin xewerdar kishilerning radiyomizgha inkas qilishiche, bu qurban héytliq orunlashturush uqturushi herqaysi yéza-bazarlargha kéchikip kelgen, buning netijiside bezi kent kadirliri, özliridin yol-yoruq sorighan ahalilerge héyt namizigha qatnashmasliq, öz'ara héytlashmasliq we héyt salimimu yollimasliqni tewsiye qilghan؛ bu tewsiye jem'iyette téz tarqilip, bezi jaylarda ensiz bir jimjitliqni peyda qilsa, yene bezi jaylarda, jiddiychilik peyda qilghan. Yene ismini ashkarilashni xalimaydighan weziyettin xewerdar kishining inkas qilishiche da'iriler, héyt harpisi we dawamidiki bu ensizchilikni özlirining 3 yildin buyanqi lagér siyasiti we bu yilqi kéchikken héytliq uqturushidin körüshning ornigha ahalilerdin körüp, yene tutqun herikiti élip barghan. Xotenning duwa yéziliq saqchi xadimining ashkarilishiche bu yézida mezkur söz-chöchekni tarqatti dep qaralghan, 6 kishi tutqun qilinip 2 sa'et soraq qilin'ghandin kéyin qoyup bérilgen.

Éniqlashlirimiz dawamida, héyt salami yollashmasliq heqqidiki uchurni eng deslep kimning tarqatqanliqi heqqidiki so'alimizgha saqchi xadimliridin jawab tépilmidi. Emma weziyettin xewerdar kishi, da'irilerning yéqinqi üch yildin buyan körülgen herqandaq bir mesilide ahalilerningla mes'uliyitini sürüshte qiliwatqanliqi we purset tapsila qorqutuwatqanliqini ilgiri sürdi,

Xotenning chira nahiye bazarliq saqchi xadimining ashkarilishiche, bu saqchixana héyt salami yollimasliq heqqide uchur taratqan 30 nechche kishini tutqan we bulardin 10 kishini ta bügün'giche qoyup bermigen.

Programmining tepsilatini yuqiridiki awaz ulinishidin anglighaysiz.

Pikirler (0)
Share
Toluq bet