Washin'gtonda xitaygha qarshi namayish ötküzüldi

Muxbirimiz qutlan
2019-12-22
Élxet
Pikir
Share
Print
22-Dékabir amérika paytexti washin'gtonda ötküzülgen xitaygha qarshi naraziliq namayishidin bir körünüsh. 2019-Yili 22-dékabir. Washin'gton.
22-Dékabir amérika paytexti washin'gtonda ötküzülgen xitaygha qarshi naraziliq namayishidin bir körünüsh. 2019-Yili 22-dékabir. Washin'gton.
RFA/Qutlan

Bügün, yeni 22-dékabir küni amérika paytexti washin'gtonda xitaygha qarshi naraziliq namayishi ötküzüldi.

Amérika Uyghur birleshmisining uyushturushi bilen ötküzülgen bügünki namayishqa washin'gton alahide rayonigha qoshna wirginiye shtati we mariland shtatidin kelgen Uyghurlar we yerlik amérikaliqlar bolup, nechche yüzligen kishi qatnashti.

Qollirida ay-yultuzluq sherqiy türkistan bayriqi bilen amérika bayriqini teng kötürgen namayishchilar washin'gtonning 12-kochisidin yolgha chiqip, "Asasiy qanun kochisi" ni boylap yürüsh qildi. Namayishchilar amérika dölet mejlisi binasining aldigha bérip, u yerdin yene keynige qaytti. Yol boyi kishiler namayishchilargha hörmet bildürüp, türlük ipadiler bilen ularni qollap-quwwetleydighanliqini bildürüshti.

Namayish jeryanida muhajirettiki Uyghur herikitining rehberliridin rabiye qadir xanim söz qilip, mundaq dédi: "Bügün biz washin'gtonda namayish qiliwatqan mushu minutlarda xongkongda yüz minglighan namayishchilar Uyghurlarni qollap xitay kommunist hökümitige qarshi naraziliq namayishi ötküzdi. Türkiyede nechche on minglighan qérindashlirimiz xitaygha qarshi keng kölemlik naraziliq namayishi élip bardi. Amérika awam palatasida Uyghur qanun layihisi testiqtin ötti. Démek, biz yalghuz emes, biz yétim emes!" 

Namayish jeryanida eng tesirlik bolghini ata-aniliri bilen bille namayishqa kelgen ‍Uyghur baliliri qollirigha wetende tutqun qilin'ghan uruq-tughqanlirining süretlirini kötürüp, namayish sépining aldigha ötüp turdi. Bu hal etraptiki kishilerni chongqur tesirlendürdi. 

Aldinqi küni axshimi istanbulda ötküzülgen zor kölemlik namayishtin kéyin, 22-dékabir yekshenbe küni xongkongdimu yüz minglighan xongkong xelqi qollirida ay-yultuzluq sherqiy türkistan bayriqini kötürüp namayish ötküzdi hemde Uyghurlarni qollap-quwwetleydighanliqini ipade qildi.

Toluq bet