Хитайда йәнә икки дохтур корона вируси билән қаза қилған

Мухбиримиз җүмә
2020-02-23
Елхәт
Пикир
Share
Принт
20-Феврал корона вируси билән қаза қилған 29 яшлиқ дохтур пән йинхуа (солда). Вухән.
20-Феврал корона вируси билән қаза қилған 29 яшлиқ дохтур пән йинхуа (солда). Вухән.
Social Media

Йәкшәнбә күни хитайда йәнә икки нәпәр дохтур корона вируси билән юқумлинип қаза қилған. Бу һәқтики учурларни мәзкур дохтурлар илгири хизмәт қилған сәһийә органлири ашкарилиған. Шуниң билән бу вируста һаятидин айрилған дохтурларниң сани бу һәптә ичидила 4 кә йәткән.

Дохтурханиларниң бу һәқтики баянатлириға қариғанда, мәзкур вируста қаза қилған дохтурларниң бири бу йил 29 яшқа киргән шия сиси исимлик һәзим кесәлликлири дохтури икән. У корона вируси юқумдарлирини давалаш җәрянида өзиму мәзкур вирус билән юқумланған икән. У 29-январдин башлап давалиниватқан болсиму, ахири давалаш унум бәрмигән.

Қаза қилғучиниң йәнә бири бу йил 42 яшқа киргән ваң вәнҗүн исимлик дохтур болуп, уму йәкшәнбә күни хубей өлкисиниң шявгән шәһиридә вапат болған. Шявгән мәркизий дохтурханисиниң баянатиға қариғанда, у мәзкур дохтурхана қармиқидики нәпәс йоли кесәлликлири бөлүминиң муавин мудири икән. 

Униңдин башқа хитай ахбаратлири бу йил 29 яшқа киргән пән йинхуа исимлик йәнә бир дохтурниң пәйшәнбә күни қаза қилғанлиқини елан қилған. 

Мәлум болушичә, у вухән шәһири җяңшя районидики юқумдарларни давалаш җәрянида юқумланған вә 25-январда ятаққа елинған икән. 

Вухән шәһәрлик сәһийә комитети тарқатқан учурларға қариғанда, вухән дохтурханисиниң башлиқи дохтур лю җимиң пәйшәнбә күни қаза қилған. У, бу йил 51-яшта икән.

Хитай даирилири өткән һәптә корона вируси юқундилирини давалаш җәрянида өзиму бу вируста юқумланған сәһийә хадимлириниң 1700 дин ашидиғанлиқини хәвәр қилған иди. 

Әмма, буларниң кесәллик вәзийити вә нөвәттики әһвали наениқ.

Пикирләр (0)
Share
Толуқ бәт