Xitayda yene ikki doxtur korona wirusi bilen qaza qilghan

Muxbirimiz jüme
2020-02-23
Élxet
Pikir
Share
Print
20-Féwral korona wirusi bilen qaza qilghan 29 yashliq doxtur pen yinxu'a (solda). Wuxen.
20-Féwral korona wirusi bilen qaza qilghan 29 yashliq doxtur pen yinxu'a (solda). Wuxen.
Social Media

Yekshenbe küni xitayda yene ikki neper doxtur korona wirusi bilen yuqumlinip qaza qilghan. Bu heqtiki uchurlarni mezkur doxturlar ilgiri xizmet qilghan sehiye organliri ashkarilighan. Shuning bilen bu wirusta hayatidin ayrilghan doxturlarning sani bu hepte ichidila 4 ke yetken.

Doxturxanilarning bu heqtiki bayanatlirigha qarighanda, mezkur wirusta qaza qilghan doxturlarning biri bu yil 29 yashqa kirgen shiya sisi isimlik hezim késellikliri doxturi iken. U korona wirusi yuqumdarlirini dawalash jeryanida özimu mezkur wirus bilen yuqumlan'ghan iken. U 29-yanwardin bashlap dawaliniwatqan bolsimu, axiri dawalash unum bermigen.

Qaza qilghuchining yene biri bu yil 42 yashqa kirgen wang wenjün isimlik doxtur bolup, umu yekshenbe küni xubéy ölkisining shyawgen shehiride wapat bolghan. Shyawgen merkiziy doxturxanisining bayanatigha qarighanda, u mezkur doxturxana qarmiqidiki nepes yoli késellikliri bölümining mu'awin mudiri iken. 

Uningdin bashqa xitay axbaratliri bu yil 29 yashqa kirgen pen yinxu'a isimlik yene bir doxturning peyshenbe küni qaza qilghanliqini élan qilghan. 

Melum bolushiche, u wuxen shehiri jyangshya rayonidiki yuqumdarlarni dawalash jeryanida yuqumlan'ghan we 25-yanwarda yataqqa élin'ghan iken. 

Wuxen sheherlik sehiye komitéti tarqatqan uchurlargha qarighanda, wuxen doxturxanisining bashliqi doxtur lyu jiming peyshenbe küni qaza qilghan. U, bu yil 51-yashta iken.

Xitay da'iriliri ötken hepte korona wirusi yuqundilirini dawalash jeryanida özimu bu wirusta yuqumlan'ghan sehiye xadimlirining 1700 din ashidighanliqini xewer qilghan idi. 

Emma, bularning késellik weziyiti we nöwettiki ehwali na'éniq.

Toluq bet