Президент трамп: мән хитайдин хапа

Мухбиримиз җүмә
2020-03-22
Елхәт
Пикир
Share
Принт
Америка президенти доналд трамп шәнбә күндики ахбарат елан қилиш йиғинида. 2020-Йили 21-март. Вашингтон д.С., америка.
Америка президенти доналд трамп шәнбә күндики ахбарат елан қилиш йиғинида. 2020-Йили 21-март. Вашингтон д.С., америка.
Social Media

Америка президенти доналд трамп йәкшәнбә күндики ахбарат елан қилиш йиғинида, хитайниң вирус әһвалидин америкини бурунрақ хәвәрдар қилмиғанлиқидин хапа болғанлиқини билдүрди.

У, хитай президент ши җинпиң билән әң ахирқи қетим қачан сөзләшкәнлики һәққидики соалларға җаваб бәргәндә хитайниң америкини вирус вәзийитидин бурунрақ хәвәрдар қилмиғанлиқидин хапа болғанлиқини ейтти.

У мундақ деди: «сизгә рас гәпни қилсам, мән хитайдин бираз хапа болдум. Улар бизни буниңдин хәвәрдар қилиши керәк иди.»

Президент доналд трамп шәнбә күндики ахбарат елан қилиш йиғинидиму хитайниң вирус вәзийитидин америкини бурунрақ хәвәрдар қилмиғанлиқини билдүргән. 

У мундақ дегән: «улар дөлити ичидә немиләр болуватқанлиқини бизгә бурунрақ дегән болса кашки. Биз буни бу һәқтики хәвәрләр ашкарилинип кәткәндин кейин андин билдуқ.»

Президент трамп йәнә мундақ дегән: «улар бу ишта бәк хупиянә болуп кәлди, бу толиму әпсуслинарлиқ.»

У, хитайдики вирус әһвалиниң яманлашқанлиқи ашкариланғандин кейин, хитайдин келидиған һава қатнишини тохтатқанлиқини, чегра еғизлирини тақаш буйруқи бәргәндә бәзиләрниң уни «ирқий айримичилиқ» билән әйиблигәнликни, һәтта явропадин келидиған қатнашни тохтатқандиму әйбләшләргә учриғанлиқини, әмма шундақтиму мәзкур қарариниң кейин тоғра болуп чиққанлиқини ейтқан иди.

У йәнә америка һөкүмитиниң җиддий һәрикәткә өтүп таҗсиман корона вирусиниң алдини елиш хизмәтлирини ишләватқанлиқини билдүргән.

22-Марттики ашбрат елан қилиш йиғинида сөз қилған президент трамп таҗсиман корона вирусини йәнә «хитай вируси» дәп атиди вә бу сөзни икки қетим ишләтти. 

Президент трамп илгири бу вирусни шундақ атишидики сәвәбләр һәққидә тохтилип, хитайниң мәзкур вирусини америка әскәрлири тарқатти, дәп ялған учур тарқатқанлиқини шуңа униң хитайдин кәлгәнликини ениқ җакарлаш үчүн вирусни «хитай вируси» дәп аташниң мувапиқ икәнликини ейтқан иди.

Пикирләр (0)
Share
Толуқ бәт