Prézidént tramp: men xitaydin xapa

Muxbirimiz jüme
2020-03-22
Élxet
Pikir
Share
Print
Amérika prézidénti donald tramp shenbe kündiki axbarat élan qilish yighinida. 2020-Yili 21-mart. Washin'gton d.S., amérika.
Amérika prézidénti donald tramp shenbe kündiki axbarat élan qilish yighinida. 2020-Yili 21-mart. Washin'gton d.S., amérika.
Social Media

Amérika prézidénti donald tramp yekshenbe kündiki axbarat élan qilish yighinida, xitayning wirus ehwalidin amérikini burunraq xewerdar qilmighanliqidin xapa bolghanliqini bildürdi.

U, xitay prézidént shi jinping bilen eng axirqi qétim qachan sözleshkenliki heqqidiki so'allargha jawab bergende xitayning amérikini wirus weziyitidin burunraq xewerdar qilmighanliqidin xapa bolghanliqini éytti.

U mundaq dédi: "Sizge ras gepni qilsam, men xitaydin bir'az xapa boldum. Ular bizni buningdin xewerdar qilishi kérek idi."

Prézidént donald tramp shenbe kündiki axbarat élan qilish yighinidimu xitayning wirus weziyitidin amérikini burunraq xewerdar qilmighanliqini bildürgen. 

U mundaq dégen: "Ular döliti ichide némiler boluwatqanliqini bizge burunraq dégen bolsa kashki. Biz buni bu heqtiki xewerler ashkarilinip ketkendin kéyin andin bilduq."

Prézidént tramp yene mundaq dégen: "Ular bu ishta bek xupiyane bolup keldi, bu tolimu epsuslinarliq."

U, xitaydiki wirus ehwalining yamanlashqanliqi ashkarilan'ghandin kéyin, xitaydin kélidighan hawa qatnishini toxtatqanliqini, chégra éghizlirini taqash buyruqi bergende bezilerning uni "Irqiy ayrimichiliq" bilen eyibligenlikni, hetta yawropadin kélidighan qatnashni toxtatqandimu eybleshlerge uchrighanliqini, emma shundaqtimu mezkur qararining kéyin toghra bolup chiqqanliqini éytqan idi.

U yene amérika hökümitining jiddiy heriketke ötüp tajsiman korona wirusining aldini élish xizmetlirini ishlewatqanliqini bildürgen.

22-Marttiki ashbrat élan qilish yighinida söz qilghan prézidént tramp tajsiman korona wirusini yene "Xitay wirusi" dep atidi we bu sözni ikki qétim ishletti. 

Prézidént tramp ilgiri bu wirusni shundaq atishidiki sewebler heqqide toxtilip, xitayning mezkur wirusini amérika eskerliri tarqatti, dep yalghan uchur tarqatqanliqini shunga uning xitaydin kelgenlikini éniq jakarlash üchün wirusni "Xitay wirusi" dep atashning muwapiq ikenlikini éytqan idi.

Toluq bet