Вухәндә корона вируси билән өлгәнләр 40 миңдин ашидиғанлиқи мөлчәрләнмәктә

Мухбиримиз җүмә
2020-03-29
Елхәт
Пикир
Share
Принт
Вухәндики дәпнә өйлириниң сани вә уларниң күндилик җәсәт күли биртәрәп қилиш иқтидариға аит твит.
Вухәндики дәпнә өйлириниң сани вә уларниң күндилик җәсәт күли биртәрәп қилиш иқтидариға аит твит.
Social Media

Вухән шәһиридә корона вируси билән өлгәнләр саниниң әсли елан қилған сандин нәччә һәссә юқири икәнликини мөлчәрләнмәктә.

Хитай даирилири вухәнгә қаритилған икки айлиқ карантин буйруқлирини бикар қилғандин кейин, йәрлик дәпнә ишлирини беҗириш органлири аилиләргә бу һәптидин башлап келип дәпнә қилинған туғқанлириниң җәсәт күлини еливелишни уқтурған. 

Вухәндики 7 чоң дәпнә өйи бу һәптиниң бешидин буян күнигә 500 адәмниң җәсәт күлини аилисигә қайтурушқа башлиған.

Иҗтимаий медияға чапланған бәзи учурларда бу 7 орунниң күнигә җәмий 3500 җәсәт күлини бир тәрәп қилғанлиқи йезилған.

Дәпнә өйлири җәсәт күллириниң 5-апирилдики қәбрә сүпүрүш байримидин бурун аилиләргә тарқитилип болинидиғанлиқини уқтурған. Җәсәт күллири 23-марттин башлап җәмий 12 күн тарқитилидиған болуп, шундақ болғанда бу җәрянда җәмий 42 миң җәсәт кули козиси тарқитилидикән.

Кишиләр шу бойичә һесаблиғанда вируста өлгәнләр саниниң һөкүмәт статистика идарилири тарқатқан сандин бир нәччә һәссә артуқ чиқидиғанлиқини байқиған. 

Вухәндин радийомизниң зияритини қобул қилған җаң фамилилик бир киши вухәндики җәсәт көйдүрүш орунлириниң тохтимай ишлигәнликини, шундақ болғанда хитай һөкүмити елан қилған санда гуман барлиқини ейтқан. 

Йәнә бәзи пәрәзләрдә вухәндә мәзкур вируста өлгәнләр саниниң 46 миңға йетидиғанлиқи оттуриға қоюлған. 

Мав фамилилик бирәйлән вухәндә көпинчәйләнниң өлгәнләр саниниң 40 миңдин артуқлуқиға ишинидиғанлиқини ейтқан.

Хитай даирилири корона вирусида өлгәнләр саниниң пәқәт вухән шәһиридила 2500 икәнликини елан қилған иди.

Пикирләр (0)
Share
Толуқ бәт