Шиветсийәдә 5 - июл үрүмчи қирғинчилиқини хатириләш намайишиниң тайярлиқ кеңәш йиғини өткүзүлди

Ихтиярий мухбиримиз иһсан
2015-07-03
Елхәт
Пикир
Share
Принт
Шиветсийәдә өткүзүлгән 5-июл үрүмчи қирғинчилиқини хатириләш намайишиниң тайярлиқ кеңәш йиғини
Шиветсийәдә өткүзүлгән 5-июл үрүмчи қирғинчилиқини хатириләш намайишиниң тайярлиқ кеңәш йиғини
RFA/Ihsan


Шиветсийә уйғур маарип уюшмисиниң орунлаштуруши билән шиветисйәдә паалийәт қиливатқан уйғур,түрк тәшкиләтлири һәмкарлишип, кәң көләмлик бирләшмә намайиш елип бериш тәйярлиқ кеңәш йиғини уйғур маарип уюшмисиниң мәркизидә өткүзүлди.

Бу қетимлиқ кеңәш йиғини 5 - июл үрүмчи қирғинчилиқиниң 6 йиллиқи вә хитай даирилириниң рамизан ейида уйғурларниң роза тутушини чәклиши һәмдә уйғур диярида йүз бәргән, хәлқара мәтбуатларда кәңри орун алған 22 - июн қәшқәр вәқәси қатарлиқларни шиветсийә һөкүмити вә хәлқиғә кәң даиридә аңлитишни мәқсәт қилған һалда елип берилди.

Иптарға шиветсийә уйғур маарип уюшмиси, шиветсийә уйғур комитети, миллий гөрүш тәшкилати, тәқва җәмийити вә явропа түрк демократлар бирлики қатарлиқ тәшкилатларниң мәсуллири қатнашти.

Йиғилиш 2 - июл күни кәч саәт 20:00 дә башланди. Уйғур маарип уюшмисиниң рәиси әхмәтҗан турсун йиғинниң ечилиш сөзидә, хитай даирилириниң уйғур диярида елип бериватқан қирғинчилиқи вә рамизан ейида елип бериватқан чәкләш сиясәтлирини қисқичә аңлитип өтти.

Арқидин һәр қайси тәшкилатларниң вәкиллири бирләшмә намайиш үчүн қилған һазирлиқлирини аңлатти.

Кеңәш йиғинида һәр бир тәшкилатниң сөзчиси вә намайишни пиланлиқ,тәртиплик елип беришкә даир инчикә хизмәтләр тәқисмләнди.

Иптар вақти киргәндә һәммәйлән биргә иптарлашти. Шам намизини җамаәт булуп биргә оқуп иптар таамлиридин еғиз тәгди.

Биз йиғин ахирида уйғур маарип уюшмисиниң рәиси әхмәтҗан турсунни зиярәт қилдуқ.

Пикирләр (0)
Share
Толуқ бәт