Shiwétsiyede 5 - iyul ürümchi qirghinchiliqini xatirilesh namayishining tayyarliq kéngesh yighini ötküzüldi

Ixtiyariy muxbirimiz ihsan
2015-07-03
Élxet
Pikir
Share
Print
Shiwétsiyede ötküzülgen 5-iyul ürümchi qirghinchiliqini xatirilesh namayishining tayyarliq kéngesh yighini
Shiwétsiyede ötküzülgen 5-iyul ürümchi qirghinchiliqini xatirilesh namayishining tayyarliq kéngesh yighini
RFA/Ihsan


Shiwétsiye Uyghur ma'arip uyushmisining orunlashturushi bilen shiwétisyede pa'aliyet qiliwatqan Uyghur,türk teshkiletliri hemkarliship, keng kölemlik birleshme namayish élip bérish teyyarliq kéngesh yighini Uyghur ma'arip uyushmisining merkizide ötküzüldi.

Bu qétimliq kéngesh yighini 5 - iyul ürümchi qirghinchiliqining 6 yilliqi we xitay da'irilirining ramizan éyida Uyghurlarning roza tutushini cheklishi hemde Uyghur diyarida yüz bergen, xelq'ara metbu'atlarda kengri orun alghan 22 - iyun qeshqer weqesi qatarliqlarni shiwétsiye hökümiti we xelqighe keng da'iride anglitishni meqset qilghan halda élip bérildi.

Iptargha shiwétsiye Uyghur ma'arip uyushmisi, shiwétsiye Uyghur komitéti, milliy görüsh teshkilati, teqwa jem'iyiti we yawropa türk démokratlar birliki qatarliq teshkilatlarning mes'ulliri qatnashti.

Yighilish 2 - iyul küni kech sa'et 20:00 de bashlandi. Uyghur ma'arip uyushmisining re'isi exmetjan tursun yighinning échilish sözide, xitay da'irilirining Uyghur diyarida élip bériwatqan qirghinchiliqi we ramizan éyida élip bériwatqan cheklesh siyasetlirini qisqiche anglitip ötti.

Arqidin her qaysi teshkilatlarning wekilliri birleshme namayish üchün qilghan hazirliqlirini anglatti.

Kéngesh yighinida her bir teshkilatning sözchisi we namayishni pilanliq,tertiplik élip bérishke da'ir inchike xizmetler teqismlendi.

Iptar waqti kirgende hemmeylen birge iptarlashti. Sham namizini jama'et bulup birge oqup iptar ta'amliridin éghiz tegdi.

Biz yighin axirida Uyghur ma'arip uyushmisining re'isi exmetjan tursunni ziyaret qilduq.

Toluq bet