Ilshat hesen: dalay lama Uyghurlarning heqqaniy herikitini qollaydighanliqini bildürdi

Muxbirimiz méhriban
2016-04-30
Élxet
Pikir
Share
Print
"Asiya démokratiye munbiri" ning 2016 - yilliq yighinigha qatnishiwatqan amérika Uyghur birlikining re'isi ilshat ependi dalay lama bilen bille
"Asiya démokratiye munbiri" ning 2016 - yilliq yighinigha qatnishiwatqan amérika Uyghur birlikining re'isi ilshat ependi dalay lama bilen bille
RFA


Hindistandiki daramsalada shehiride échiliwatqan "Asiya démokratiye munbiri" ning 2016 - yilliq yighinigha qatnishiwatqan amérika Uyghur birlikining re'isi ilshat ependining Uyghur weziyiti heqqide bergen doklati yighin qatnashquchiliri we muxbirlarning diqqitini qozghidi. Yighin mezgilide ziyaritimizni qobul qilghan ilshat hesen ependi yighin ehwali toghruluq bayan bérish bilen bille özining tibetlerning rohaniy dahiysi dalay lama bilen körüshüsh pursitige érishkenlikini bildürüp, dalay lamaning Uyghurlarning heqqaniy kürishini qollaydighanliqi heqqidiki salimini Uyghurlargha yetküzüshni hawale qildi.

28 - Aprél bashlan'ghan bu yighin 1 - maygha qeder dawamlishidu. Esli mezkur yighin'gha d o q ijra'iye komitéti mudiri dolqun eysamu teklip qilin'ghan bolup, emma uning wizisi xitayning bésimi bilen bikar qilin'ghan we xelq'araliq ghulghuligha seweb bolghan idi.

Ilshat hesen ependi yighindiki pa'aliyetliri heqqide toxtilip, özining ikki kün ichide Uyghurlarning omumiy ehwali, diniy étiqadning depsende qilinishi, Uyghurlarning medeniyet muhitining buzghunchiliqqa uchrishi, medeniyet zor inqilabining Uyghur medeniyitige buzghunchiliqi qatarliq mexsus témilarda töt qétim doklat bergenlikini bildürdi. U yighin ehlining Uyghurlarning diniy étiqad, medeniyet jehette basturushqa uchrishi qatarliq témilar we hindistan hökümitining dolqun eysagha bérilgen wizini xitayning bésimi bilen bikar qilghanliqi qatarliqlarda qizghin munazire qilghanliqini bildürüp, Uyghur mesilisi heqqide téximu jiq mesililerni bilishke qiziqqan yighin qatnashquchilirining yighinda mexsus dolqun eysa ependi üchün téléwiziye nutqi orunlashturush teklipini otturigha qoyghanliqini bayan qildi.

Ilshat hesen ependi yene, yighinda Uyghur mesilisige qiziqidighan hindistanliq mutexessisler, muxbirlar, siyasiy erbablar we teshkilatchilar bilenme uchrashqanliqini bildürüp, hindistanning daramsalada shehiride échilghan yighinning Uyghur mesilisini dunyagha anglitishta we hindistanda Uyghur mesilisi heqqidiki yighin pa'aliyetlerni élip bérishning tunji qedimi bésilghan muweppeqiyetlik bashlinish dep qaraydighanliqini bildürdi.

Yuqiridiki awaz ulinishidin söhbetning tepsilatini anglaysiler.

Toluq bet