Irfan - der teshkilatliri musapir Uyghurlargha on tonna un yardem qildi

Muxbirimiz erkin tarim
2016-02-26
Élxet
Pikir
Share
Print
 Qeyseridiki Uyghur musapirlirigha 10 tonna un yetküzüp birildi
Qeyseridiki Uyghur musapirlirigha 10 tonna un yetküzüp birildi
RFA/Ekrem


Türkiyening chong wilayetliridin bolghan konyada pa'aliyet élip bériwatqan "Irfan ma'arip we hemkarliq dostluq jem'iyiti" 25 - féwral qeyseridiki Uyghur musapirlirigha 10 tonna un yardimini ekélip tapshurup berdi.

Mezkur teshkilat xadimliri 25 - féwral etigen seherde chong aptomobil bilen élip kelgen un qeyseri waliyliqidin tayfun berber ependi, qeyseri sheherlik hökümet mes'ulliridin hüseyin ependi, qeyseri köchmenler idarisi mes'ulliridin yüsüp yilmaz ependilerning közi aldida Uyghur musapirlargha tapshurup bérildi.

Malayshiya we tayland arqiliq türkiyening qeyseri shehirige kélip olturaqliship qalghan Uyghur musapirlar turuwatqan qorojaygha élip kélin'gen 10 tonna un qeyseride pa'aliyet élip bériwatqan sherqiy türkistan medeniyet we hemkarliq teshkilati bashqurush hey'et ezaliridin abduqadir tümtürk we abdughéni békin ependilerning orunlashturushi bilen qorojay ichidiki ambargha qoyuldi.

Abduqadir tümtürk ependi konya irfan - der jem'iyiti ewetken yardem buyumlirining qeyseri wilayetlik hökümet, sheherlik hökümet we köch idarisi mes'ullirining nazariti astida Uyghur musapirlargha tapshurup bérilgenlikini bayan qildi.

Doxtur musa özdemir ependining bir Uyghur balisining xetnisini qilmaqta
Doxtur musa özdemir ependining bir Uyghur balisining xetnisini qilmaqta Photo: RFA

On tonna unni Uyghurlargha tapshurup bergendin kéyin, qeyseri köchmenler idarisi mes'ulliridin yüsüp yilmaz ependi, yardem ewetken teshkilatqa rehmet éytip mundaq dédi: "Bu yardemni ewetken irfan - der teshkilatigha rehmet éytimiz, bash qurush hey'iti ezaliri bu yergiche keldi, put, qolliri derd körmisun, biz ularning bu xeyr saxawiti üchün du'a qilimiz. Yurtliridin ayrilip dölitimizge kelgen Uyghur qérindashlirimizgha her da'im yardem buyumliri ewetip hal sorap turuwatqan pütün türk ammiwi teshkilatlirigha, xelqimizge, bu musapirlarni heqsiz dawalawatqan doxturlirimizgha rehmet éytimen."

Memet isimlik musapir Uyghur bu yardemni qilghan teshkilatqa rehmet éytti.

Abduqadir tümtürk ependi düshenbe küni qeyseri alperen ojaqliri teshkilatining yardimi bilen qeyseri tekden doxturxanisida doxtur musa özdemir ependining 15 Uyghur balini xetne qilghanliqini, qeyseri xelqining Uyghur musapirlargha ige chiqiwatqanliqini bayan qildi.

Türkiyening chong wilayetliridin bolghan konyada pa'aliyet élip bériwatqan "Irfan ma'arip we hemkarliq dostluq jem'iyiti" re'isi memet kaklik ependi bashchiliqidiki hey'et 7 - féwral malayshiya we tayland arqiliq qeyserige kélip olturaqliship qalghan Uyghur musapirlar üchün konyada yighqan pulni ulargha teqdim qilghan idi.

Sherqiy jenubi asiya döletliri arqiliq türkiyege kelgen Uyghurlardin ming kishi qeyseridiki döletning qoru - jayigha orunlashturulghan bolup, bular hazirghiche türk ammiwi teshkilatlirining maddiy yardimi bilen turmush köchürüp kelmekte.

Toluq bet