Франсийәдики содигәр җүрәт: «раст гәплирим хитайдин мәнпәәтлиниватқан кишиләрни биарам қилди»

Мухбиримиз меһрибан
2017-11-03
Елхәт
Пикир
Share
Принт
Фирансийәдики уйғур содигәр җүрәт җүмәхун. Фирансийә, (вақти ениқ әмәс)
Фирансийәдики уйғур содигәр җүрәт җүмәхун. Фирансийә, (вақти ениқ әмәс)
Özi teminligen

Хитай һөкүмитиниң уйғурларға қаратқан бесимлири барғанчә күчәйгән бир вәзийәттә һәр хил сәвәбләр билән ғәрб дөләтлиридә олтурақлишип қалған уйғурларниңму һәр хил бесим вә тәһдитләргә учраватқанлиқи мәлум болмақта.

Бу сәвәбләрдин чәтәлләрдә яшаватқан бир қисим уйғурлар арисида өзи вә вәтәндики уруқ-туққанлиридин әнсирәш психикиси күчәйгән. Чәтәлләрдики бир қисим уйғурлар юқириқи түрлүк сәвәбләрдин уйғур тәшкилатлири вә җамаитидин йирақлишип, йеганә яшаш, хәлқара таратқулар вә иҗтимаий алақә торлирида елан қилинған уйғурларниң хитай һөкүмити тәрипидин бастурулуватқанлиқиға аит хәвәр-учурларға инкас қайтурмаслиқ, хитай һөкүмитиниң уйғурларға қаратқан миллий сияситини тәнқитлигүчиләрдин нарази болуш, һәтта уларни тосушқа урунуш қилмишлирида болуватқанлиқи оттуриға чиқмақта.

Алдинқи һәптә радийомиз уйғур бөлүминиң зияритини қобул қилип, хитай һөкүмитиниң уйғур сияситини ашкара тәнқитлигән фирансийәдики зибу-зиннәт лайиһилигүчиси вә содигири җүрәт әпәнди, бүгүн йәнә зияритимизни қобул қилип, өзигә кәлгән инкасларға җаваб қайтурди. У, өзигә кәлгән зор бир қисим инкасларда уни қоллаш кәйпияти күчлүк болсиму, әмма йәнә бир қисим кишиләрниң униңға телефон яки учур васитилири арқилиқ инкас қайтуруп, наразилиқини ипадилигәнлики һәтта уни давамлиқ хитай һөкүмитини тәнқид қилиштин тосқанлиқини билдүрди.

Җүрәт әпәнди, әркин, демократик дөләтләрдә яшап туруқлуқ хитай һөкүмитиниң бесимидин қорққан аз бир қисим уйғурлардики бу хил қорқуш кәйпиятиниң сәвәблири һәққидә өз қаришини баян қилди. Бу хил кишиләрниң хитай һөкүмитидин йәнила үмид күтүватқанлиқи яки хитай һөкүмитидин келидиған мәнпәәттин ваз кечәлмигәнликтин әркин, демократик дөләтләрдә яшап туруқлуқму хитай һөкүмитигә қарши паалийәт вә сөз-һәрикәтләрдин раһәтсиз болуватқанлиқини илгири сүрди.

Пикирләр (0)
Share
Толуқ бәт