Голландийәдә яшаватқан уйғурлар мисирдики чәктин ашқан қирғинчилиқларға қарши наразилиқини ипадилиди

Ихтиярий мухбиримиз пидаий
2013-08-21
Елхәт
Пикир
Share
Принт
Абдурахман қариһаҗим мисирда болуватқан һәддидин ашқан вәһшийликкә наразилиқини билдүрди вә инсанниң қәдир-қиммити һәққидә мәхсус тохталди. 2013-Йили 16-авғуст, голландийә.
Абдурахман қариһаҗим мисирда болуватқан һәддидин ашқан вәһшийликкә наразилиқини билдүрди вә инсанниң қәдир-қиммити һәққидә мәхсус тохталди. 2013-Йили 16-авғуст, голландийә.
RFA/Pidaiy

Голландийәдики уйғурларниң, бу һәптилик җүмә хутбиси мисирдики қанлиқ қирғинчилиққа беғишланди. Мәзкур җүмә намизиниң хатиплиқини қилип келиватқан абдурахман қариһаҗим, мисирда болуватқан қанлиқ зиддийәттин көп әпсусланғанлиқини вә вәһшийликтә һәддидин ашқан залимларниң қилмишлириға наразилиқини билдүргәндин кейин, инсанниң қәдир-қиммити һәққидә мәхсус тохталди.

Қуран кәримидә: «қандақлики бир инсан, йәнә бир инсанни наһәқ өлтүридикән. Униң җазаси җәһәннәмдур. У җәһәннәмдин мәңгү чиқирилмайду. Аллаһ униңға ғәзәп қилиду вә униңға қаттиқ ләнәт қилиду. Шуниң билән биргә көтүрүп қопқусиз җазаларға дучар қилиду» дәп алаһидә әскәртилгәнликини қәйт қилип туруп сөзини давам қилған, голландийәдики мәзкур мәсчитниң имами абдурахман қариһаҗимниң билдүрүшичә: ислам принсипида инсанниң қиммити дунядики барлиқ нәрсиләрдин үстүн дәп көрситилгән болуп, аллаһқа ибадәт қилидиған бир мусулман мөминниң бир тамчә қени төвәндикидәк 10 җәһәттә селиштурма қилинип, наһәқ адәм өлтүрүшниң қаттиқ чәкләнгән чоң гунаһлар қатариға киргүзүлгәнлики шәрһләнгән.Бир мусулманниң қенини наһәқ төккән қатилниң төвисиниң қобул қилиниши тәс...

  • Шерик кәлтүрмәслик, наһәқ қан төкмәслик, зена қилмаслиқ яхши бәндиләрниң сүпәтлиридиндур.
  • Мусулманни наһәқ өлтүрүш, инсанни һалак қиливетидиған азабқа дучар қилидиған еғир гунаһтур.
  • Бир инсанни наһәқ өлтүрүвәткән киши, пүтүн дунядики барлиқ инсанни өлтүрүвәткәнгә баравәр җазаға лайиқ җинайәт ишлигән болиду.
  • Наһәқ өлтүрүлүш хәвпидә қалған бир инсанни қутқузуп қалғучи, пүтүн дунядики инсанларни қутқузуп қалғандәк әҗиргә еришиду.
  • Алланиң нәзиридә, бир мусулманниң наһәқ өлүп кәткинидин, пүтүн дуня кумпәйкум болуп кәткән йәңгилрәктур.
  • Қиямәт күни әң алди билән һесаб қилинидиған һәқләр, наһәқ төкүлгән қанниң һәққидур.
  • Мусулман мусулманлиқ чеграси ичидә қалиду. Пәқәт наһәқла қан төкүп салмиған болса...
  • Бир мусулманниң қениниң төкүлүшидин, кәбиниң йеқилип кетиши йәңгилрәктур.
  • Кәлимә шаһадәт ейтқан һәрқандақ кишиниң қенини төкүш қәтий һарамдур.

Җамаәт ичидә зияритимизни қобул қилған явропа шәрқий түркистан маарип җәмийитиниң мәсули обулқасим әпәнди, мисирда болуватқан қирғинчилиқларға қарита көз қаришини ипадиләп, бу зиддийәттә һәммидин бәкрәк рол ойниған нәрсиниң тәшвиқатта ипадиләнгәнлики вә бу хил қанлиқ қирғинчилиқларда һәддидин ашқан шәхсләрниң өзи һәққидики чүшәнчисиниң бурмиланған бир тәрбийәттин мушу һалға кәлгәнлики һәққидә тохталди.

Пикирләр (0)
Share
Толуқ бәт