Қазақистан наминиң өзгәртилиши тоғрилиқ тәклип бәс-муназирә қозғимақта

Ихтиярий мухбиримиз ойған
2014-02-26
Елхәт
Пикир
Share
Принт
Сайлиғучилар авазлириниң 95% игә игә болған қазақистан президенти нурсултан назарбайеф өзини қоллиғучиларға рәһмитини билдүрди. 2011-Йили 4-апрел.
Сайлиғучилар авазлириниң 95% игә игә болған қазақистан президенти нурсултан назарбайеф өзини қоллиғучиларға рәһмитини билдүрди. 2011-Йили 4-апрел.
AFP

Қазақистан президенти нурсултан назарбайефниң мәмликәт хәлқигә йоллиған нөвәттики мәктипидин кейин йәрлик аммиви ахбарат васитилиридә дөләт наминиң өзгәртилиши әтрапида бәс-муназирә күчәйди.

Бәзи қазақистанлиқ сиясәтшунаслар, анализчилар, зиялийлар вә башқилар президентниң мәзкур тәклипини асасий җәһәттин иҗабий қобул қилмақта. Мәсилән, мустәқил анализчи әмирҗан қосаноф өзиниң «курсиф кз» агентлиқиға бәргән сөһбитидә «қазақ ели» ниң һәр бир қазақ үчүн муқәддәс нам икәнликини оттуриға қойиду.

Милләтчи-вәтәнпәрвәр мухтар тайҗанму бу тәклипни қоллайдиғанлиқини билдүрүп, мундақ намниң узундин бери мәвҗут болғанлиқини илгири сүргән. Сиясий әрбаб пйетр своик президентниң мәзкур тәшәббусини «сиясий вәсийәт» дәп атиди. Әмди «тюркист» мустәқил гезитидә бесилған «қазақистанни туран дәп аташ тәклип қилинди» намлиқ мақалида түркий хәлқләрниң дуняви ассамблейиси рәиси академик йерментай султанмуратниң бу һәқтә шәхсий тәклипи берилгән иди. Алим қазақистанни барлиқ түркий хәлқләрниң вәтини дәп көрситип, мәмликәтни туран дәп аташни тәвсийә қилиду. У туран чүшәнчисигә чоң әһмийәт берип, мундақ дегән: «бу муһим бир дәвр - түркий хәлқләрни бирләштүридиған маяк, символ болуп, бу, шу җүмлидин, қазақ хәлқиниңму сақлинип қелиш вә ойғинишиниң капалитидур».

Һазир мәмликәт намини илгирикидәк «қазақистан җумһурийити» дегән намда қалдуруш,шундақла «қазахия», «қазақ республикиси» дәп өзгәртиш, мәмликәттә яшаватқан башқиму милләт вәкиллирини қандақ дәп аташ әтрапидиму һәр хил пикир-тәклипләр келип чүшмәктә.

Радиомиз зияритини қобул қилған пешқәдәм уйғур зиялийлири алим рабик исмайилоф вә журналист абдукерим тудиярофлар бу һәқтә өз қарашлирини оттуриға қойди.

Пикирләр (0)
Share
Толуқ бәт