Qazaqistan namining özgertilishi toghriliq teklip bes-munazire qozghimaqta

Ixtiyariy muxbirimiz oyghan
2014-02-26
Élxet
Pikir
Share
Print
Saylighuchilar awazlirining 95% ige ige bolghan qazaqistan prézidénti nursultan nazarbayéf özini qollighuchilargha rehmitini bildürdi. 2011-Yili 4-aprél.
Saylighuchilar awazlirining 95% ige ige bolghan qazaqistan prézidénti nursultan nazarbayéf özini qollighuchilargha rehmitini bildürdi. 2011-Yili 4-aprél.
AFP

Qazaqistan prézidénti nursultan nazarbayéfning memliket xelqige yollighan nöwettiki mektipidin kéyin yerlik ammiwi axbarat wasitiliride dölet namining özgertilishi etrapida bes-munazire kücheydi.

Bezi qazaqistanliq siyasetshunaslar, analizchilar, ziyaliylar we bashqilar prézidéntning mezkur teklipini asasiy jehettin ijabiy qobul qilmaqta. Mesilen, musteqil analizchi emirjan qosanof özining "Kursif kz" agéntliqigha bergen söhbitide "Qazaq éli" ning her bir qazaq üchün muqeddes nam ikenlikini otturigha qoyidu.

Milletchi-wetenperwer muxtar tayjanmu bu teklipni qollaydighanliqini bildürüp, mundaq namning uzundin béri mewjut bolghanliqini ilgiri sürgen. Siyasiy erbab pyétr swo'ik prézidéntning mezkur teshebbusini "Siyasiy wesiyet" dep atidi. Emdi "Tyurkist" musteqil gézitide bésilghan "Qazaqistanni turan dep atash teklip qilindi" namliq maqalida türkiy xelqlerning dunyawi assambléyisi re'isi akadémik yérméntay sultanmuratning bu heqte shexsiy teklipi bérilgen idi. Alim qazaqistanni barliq türkiy xelqlerning wetini dep körsitip, memliketni turan dep atashni tewsiye qilidu. U turan chüshenchisige chong ehmiyet bérip, mundaq dégen: "Bu muhim bir dewr - türkiy xelqlerni birleshtüridighan mayak, simwol bolup, bu, shu jümlidin, qazaq xelqiningmu saqlinip qélish we oyghinishining kapalitidur".

Hazir memliket namini ilgirikidek "Qazaqistan jumhuriyiti" dégen namda qaldurush,shundaqla "Qazaxiya", "Qazaq réspublikisi" dep özgertish, memlikette yashawatqan bashqimu millet wekillirini qandaq dep atash etrapidimu her xil pikir-teklipler kélip chüshmekte.

Radi'omiz ziyaritini qobul qilghan péshqedem Uyghur ziyaliyliri alim rabik ismayilof we zhurnalist abdukérim tudiyaroflar bu heqte öz qarashlirini otturigha qoydi.

Toluq bet