Шиветсийә баш министириниң хитай зиярити һәққидики сөзи ғулғула қозғиди

Ихтиярий мухбиримиз еһсан
2015-03-26
Елхәт
Пикир
Share
Принт
Шиветсийә баш министири ситефан лопвен. 2014-Йили 12-сентәбир.
Шиветсийә баш министири ситефан лопвен. 2014-Йили 12-сентәбир.
wikimedia.org

Шиветсийә баш министири ситефан лопвен алдимиздики 27-март җүмә күни, хитайға рәсмий зиярәткә баридиғанлиқи мәлум болди.

‏Бу мунасивәт билән баш министир стефан лопвен, мухбирларниң зияритини қобул қилған болуп, мухбирларниң сориған соаллириға җаваб бериш җәрянида, хитай һөкүмитини «диктатор» дегән сөзни ишлитишни рәт қилиши шиветсийә мәтбуатлирида ғулғула қозғиди.

Өткән йили сотсиял демократлар партийисидин болған ситефан лопвен шиветсийә баш министири болған иди. Униң хитайға қаратқан тунҗи қетимлиқ дөләт зиярити сәпири шиветсийә мәтбуатлирида қизиқ нуқтиға айланди.

Баш министир, хитай һөкүмитини пуқралириниң кишилик һоқуқи еғир дәпсәндә болуватқан қилмишлирини нәзәрдә тутуп, диктатор дәп аташ, йеник келип қалди дәп қаридиму яки иқтисади мәнпәәтни кишилик һоқуқ вә демократийиниң үстигә қоюп, хитай һөкүмитини вақтинчә рәнҗитишни халимидиму дегән соаллар шиветсийәдики йәрлик вә хәлқара мәтбуатларниң диққитини қозғаватқан қизиқ бир темиға айланди.

Бу мунасивәт билән шиветсийә уйғур маарип уюшмисиниң муавин рәиси ниҗат турғун бу һәқтә көз қаришини һәмдә тәшкилат намидин баш министирға хәт йоллиғанлиқини оттуриға қойди. Сиясий паалийәтчи абдуллаһ көкяр шиветсийә һөкүмитиниң хитай һөкүмитини ашкара тәнқид қилмай, юмшақ васитә таллаш йолиға қарита өзиниң көз қаришини ипадилиди.

Пикирләр (1)
Share

Исимсиз оқурмән

gerip doletlirning neziride peqet musulmanlar diktaror peqet musulmanlar tirorist,chunki kafirlarning quluda adem olterse suraqqa tartilmaydighan diplumisi bar.

Mar 29, 2015 07:16 PM

Толуқ бәт