Shiwétsiye bash ministirining xitay ziyariti heqqidiki sözi ghulghula qozghidi

Ixtiyariy muxbirimiz éhsan
2015-03-26
Élxet
Pikir
Share
Print
Shiwétsiye bash ministiri sitéfan lopwén. 2014-Yili 12-séntebir.
Shiwétsiye bash ministiri sitéfan lopwén. 2014-Yili 12-séntebir.
wikimedia.org

Shiwétsiye bash ministiri sitéfan lopwén aldimizdiki 27-mart jüme küni, xitaygha resmiy ziyaretke baridighanliqi melum boldi.

‏Bu munasiwet bilen bash ministir stéfan lopwén, muxbirlarning ziyaritini qobul qilghan bolup, muxbirlarning sorighan so'allirigha jawab bérish jeryanida, xitay hökümitini "Diktator" dégen sözni ishlitishni ret qilishi shiwétsiye metbu'atlirida ghulghula qozghidi.

Ötken yili sotsiyal démokratlar partiyisidin bolghan sitéfan lopwén shiwétsiye bash ministiri bolghan idi. Uning xitaygha qaratqan tunji qétimliq dölet ziyariti sepiri shiwétsiye metbu'atlirida qiziq nuqtigha aylandi.

Bash ministir, xitay hökümitini puqralirining kishilik hoquqi éghir depsende boluwatqan qilmishlirini nezerde tutup, diktator dep atash, yénik kélip qaldi dep qaridimu yaki iqtisadi menpe'etni kishilik hoquq we démokratiyining üstige qoyup, xitay hökümitini waqtinche renjitishni xalimidimu dégen so'allar shiwétsiyediki yerlik we xelq'ara metbu'atlarning diqqitini qozghawatqan qiziq bir témigha aylandi.

Bu munasiwet bilen shiwétsiye Uyghur ma'arip uyushmisining mu'awin re'isi nijat turghun bu heqte köz qarishini hemde teshkilat namidin bash ministirgha xet yollighanliqini otturigha qoydi. Siyasiy pa'aliyetchi abdullah kökyar shiwétsiye hökümitining xitay hökümitini ashkara tenqid qilmay, yumshaq wasite tallash yoligha qarita özining köz qarishini ipadilidi.

Toluq bet