Yawropa sherqiy türkistan ma'arip jem'iyitining "Teshkilatchiliq sawatliri" kursi dawam qilmaqta

Ixtiyariy muxbirimiz pida'iy
2017-01-20
Élxet
Pikir
Share
Print
"Gollandiye milliy görüsh teshkilati" fédratsi'on bashliqi we yétekchi ustazliridin béri bolghan oktay dalmaz ependi.
"Gollandiye milliy görüsh teshkilati" fédratsi'on bashliqi we yétekchi ustazliridin béri bolghan oktay dalmaz ependi.
RFA/Pida’iy

Gollandiyening zeyst shehirige jaylashqan "Yawropa sherqiy türkistan ma'arip jem'iyiti" "Teshkilatchiliq sawatliri" heqqide kurs orunlashturdi.

Ötken yilning noyabir ayliridin bashlap ikki heptide bir dawam qilip kéliwatqan bu derslik her düshenbe yaki seyshenbe küni axshamliri ikki-üch sa'et etrapida ötülmekte. Uningda teshkilat qurush, bashqurush, rawajlandurush we kéngeytish qatarliq mesililerni hel qilish meqset qilin'ghan bolup, uzundin béri mushu sahede léksiye bérip kéliwatqan "Gollandiye milliy görüsh teshkilati" fédratsi'on bashliqi we yétekchi ustazliridin béri bolghan oktay dalmaz ependi alahide teklip bilen kélip ders bermekte.

Bu munasiwet bilen ziyaritimizni qobul qilghan yawropa sherqiy türkistan ma'arip jem'iyitining mes'uli obulqasim abdul'eziz ependi mezkur kursning Uyghurlar arisida mohim qimmetke ige ikenlikini ilgiri sürdi we mezkur terbiylinish kursining qandaq wujudqa chiqqanliqi toghriliq melumat berdi.

Ziyaritimizni qobul qilghan ishtirakchilar, bu qitimliq kurs gollandiyediki Uyghurlar üchün tunji qitim bolghanliqini, teshkilatchiliq saheside köpligen melumatlarni élishqa muyesser boluwatqanliqini bildürdi.

Gollandiyediki "Milliy görüsh teshkilati" ning fdratsi'on bashliqi oktay dalmaz ependi, özining uzun yillardin biri milliy görüsh teshkilati yétekchilirini terbiylesh saheside igiligen tejribilirini Uyghur qirindashlirigha bildürüshtin xushal boluwatqanliqini bildürdi.

Toluq bet