Түркләр әнқәрәдики хитай әлчиханиси алдида иптар тамиқи йәп хитайға наразилиқ билдүрди

Мухбиримиз әркин тарим
2015-06-28
Елхәт
Пикир
Share
Принт
Түркләр әнқәрәдики хитай әлчиханиси алдида намайишта
Түркләр әнқәрәдики хитай әлчиханиси алдида намайишта
RFA/Erkin Tarim


Түркийәдики әң чоң аммиви тәшкилатлардин бири болған мәзлумлар һәмкарлиқ җәмийити 6 - айниң 26 - күни хитайниң әнқәрәдә турушлуқ әлчиханиси алдида иптар тамиқи йәп, намайиш қилип хитайниң уйғурларға елип бериватқан диний бесим сияситигә наразилиқ билдүрди.

«Мәзлум - дәр» йәни «мәзлумлар һәмкарлиқ тәшкилати»уюштурған бу намайишқа тәшкилат рәиси, сабиқ парламент әзаси әхмәт фаруқ үнсал әпәнди, әнқәрә шөбә башлиқи абдуррахман үнлү әпәнди вә тәшкилат әзалиридин болуп 300 әтрапида киши қатнашти. Паалийәт қолида көкбайрақ билән һәр хил лозункиларни көтүривалған намайишчилар «уйғурларға әркинлик, уйғурларниң етиқат әркинлики берилсун» дегәндәк шуарларни товлаш билән башланди. Арқидин мәзлумлар тәшкилатиниң рәиси, сабиқ парламент әзаси әхмәт фаруқ үнсал әпәнди мухбирларға баянат бәрди. У, баянатида хитайниң уйғур мусулманлириға рамизан ейида елип бериватқан диний бесим сияситини әйәлаш, түркийә җамаәтчиликиниң шундақла түрк һөкүмитиниң диққитини тартиш үчүн бу намайишни уюштурғанлиқини тәкитлиди. У, баянатиниң ахирида түрк дөлитини, шундақла пүтүн дуня дөләтлирини мәзлум бичарә мусулман уйғурларға ярдәм қилишқа чақирди.

Арқидин 300 әтрапида киши хитай әлчиханиси алдида иптар тамиқи йеди.

Бу паалийәт өткән йилиму өткүзүлгән иди, бу йил кәлгән кишиләрниң көплүки диққитимизни тартти.

Пикирләр (0)
Share
Толуқ бәт