Ilshat hesen: "Uyghur mesilisi daramsaladiki yighinda eng qiziq téma bolup qaldi!"

Muxbirimiz qutlan
2016-04-28
Élxet
Pikir
Share
Print
Amérika Uyghur jem'iyitining re'isi ilshat hesen ependi firansiyelik muxbir ursula goyter bilen hindistanda körüshti. 2016-Yili 28-aprél.
Amérika Uyghur jem'iyitining re'isi ilshat hesen ependi firansiyelik muxbir ursula goyter bilen hindistanda körüshti. 2016-Yili 28-aprél.
RFA/Qutlan

Hindistandiki tibet sergerdan hökümitining qarargahi - daramsalada aldinqi künidin buyan "Asiya démokratiye munbiri" ning 2016-yilliq yighini échilmaqta.

Mezkur yighin'gha teklip qilin'ghan Uyghur wekilliridin dunya Uyghur qurultiyi ijra'iye komitétining mudiri dolqun eysagha hindistan hökümitining aldi bilen wiza bérip, arqidin uni emeldin qaldurushi Uyghur témisini yene bir qétim dunya taratqulirining diqqet nuqtisigha merkezleshtürdi.

Mezkur yighin'gha qatnishiwatqan birdin-bir Uyghur wekil - amérika Uyghur jem'iyitining re'isi ilshat hesen ependi bügün daramsaladiki yighin meydanidin radiyomiz ziyaritini qobul qildi.

U ziyaritimiz jeryanida özining déhli xelq'ara ayrodromigha saq-salamet qon'ghanliqini, pasport kontrolida gerche bir sa'ettin artuq toxtitip qoyulghan bolsimu, lékin axirida hindistan tamozhna saqchilirining siyliq-sipaye mu'amilisi bilen daramsalagha yolgha sélin'ghanliqini bildürdi.

Ilshat hesen ependi hindistan ayrodromidiki hökümet xadimlirining özi heqqidiki uchurlardin alliqachan xewerdar ikenlikini, hindistan gézitliri we muxbirlirining uni terep-tereptin izdep, Uyghur mesilisi boyiche söhbet ötküzüshni telep qilghanliqini bildürdi.

U yene özining déhli ayrodromida firansiyelik muxbir ursula xanim bilen uchriship qalghanliqini, déhlidin tartip daramsaladiki "Asiya démokratiye munbiri" ge qeder dolqun eysaning hindistan'gha kirish wizisining bikar qilin'ghanliqi munasiwiti bilen Uyghur mesilisining eng qiziq munazire témisi bolup qalghanliqini ilgiri sürdi.

Ilshat ependi daramsalagha teklip qilin'ghan Uyghur wekillirining wiza mesilisi tüpeyli hindistan'gha kélelmigenlikini, shundaq bolushigha qarimay Uyghur témisining bu qétimqi "Asiya démokratiye munbiri" ning muhakime halqisi bolup qalghanliqini, özining mezkur yighinda Uyghur mesilisi boyiche birqanche qétim söz qilishqa orunlashturulghanliqini bildürdi.

Tepsilatini awaz ulinishtin anglighaysiz.

Toluq bet