Японийә парламентида хитайниң қилмишиға қарши тәклип лайиһәси оттуриға қоюлмақчи

Ихтиярий мухбиримиз һаҗи қутлуқ қадири
2016-11-25
Елхәт
Пикир
Share
Принт
японийә парламент әзаси вада масамунени
Японийә парламент әзаси вада масамунени
RFA/Haji Qutluq Qadiri

Йеқинда японийә уйғур бирлики тәшкилати мәсуллири японийә парламент әзаси вада масамунени билән көрүшкәндә, вада өзиниң йеқинда японийә парламентида хитайдики мәһбусларниң ичкий әзалирини йөткәп сетиш қилмишиға қарши бир тәклип лайиһәсини оттуриға қойидиғанлиқини билдүргән.

Японийә уйғур бирлики тәшкилатидин игилишимизчә, мәзкур тәшкилат мәсуллири билән японийә парламент әзаси вада масамунени йеқинда токйода елип берилған уйғур мәсилилири бойичә пикир алмаштуруш учришишида, өзи башчилиқидики бир гуруппа кишиләрниң пат арида японийә парламентида хитайдики мәһбусларниң ичкий әзалирини йөткәп сетиш қилмишиға қарши бир тәклип лайиһәсини оттуриға қойидиғанлиқини билдүргән.

Бу һәқтә зияритимизни қобул қилған японийә уйғур бирлики тәшкилатиниң рәиси турмуһәммәт һашим мәзкур лайиһәниң оттуриға қоюлуши һәққидә тохталди.

Японийә парламентида хитайдики мәһбусларниң ичкий әзалирини йөткәп сетиш қилмишиға қарши тәклип лайиһәсини оттуриға қоюшқа тәйярлиқ көрүватқан парламент әзаси вада зияритимизни қобул қилип:«асияниң әркин демократийәлишишини әмәлгә ашуруш үчүн хитайда сақлиниватқан бу хил кишилик һоқуқ мәсилилиригә көңүл бөлүшимиз вә буниң алдини елишқа тәдбир қоллинишимиз керәк» деди.

Парламент әзаси вада бу тәклип лаһийәси тоғрисида японийә уйғур бирлики тәшкилати тәрипидин йеқинда токйода өткүзүлгән шәрқий түркистан җумһурийәт күнлирини хатириләш паалийитидә қилған нутиқидиму, бу тәклип лайиһәсини японийә парламентида оттуриға қоюшқа өзиниң һазир җиддий тәйярлиқ көрүватқанлиқини алаһидә әскәрткән болуп, бу һәқтә тохталған уйғур кишилик һоқуқ һемайичиси сато такаши мундақ деди:«парламент әзаси вада әпәнди нутиқида хитайдики фалунгуң муритлири вә уйғур сиясий мәһбуслириниң ичкий әзалирини йөткәп сетиш мәсилисини японийә парламентида пат йеқинда оттуриға қойидиғанлиқини билдүрди.»

Зияритимизни қобул қилған японийәдики хитай мәсилилири көзәткүчиридин арома хитайдики мәһбусларниң ичкий әзалирини йөткәп сетиш мәсилисиниң японийә парламентида балдурақ оттуриға қоюлуп, буниңға қарита хәлқара җәмийәтни хитайға бесим ишлитишкә чақириқ қилиш керәклики һәққидә тохтилип мундақ деди:«японийә мәтбуатлирида узундин буян хитайдики мәһбусларниң ичкий әзалирини йөткәп сетиш мәсилиси тоғрисида көплигән мақалиләр елан қилинди. Әлвәттә, буниң зиянкәшликигә учриғанлар хитайдики фалунгуң муритлири, уйғурлар, тибәт вә моңғуллар. Чүнки, хитай түрмисидики сиясий мәһбуслар қәбиһ җазаларға учраватиду. Шуңа хитай компартийәсиниң бу қилмишиға қарита дуня балдурақ инкас қайтуруши керәк.»

Турмуһәммәт һашим японийә парламентида бу мәсилиниң оттуриға қоюлушиниң сәвәблири вә буниң уйғур давасини японийәдә аңлитиштики әһмийити һәққидә тохталди.

Мәлум болушичә, парламент әзаси вада японийә қәлби партийиси сиясий бюросиниң мәсуллиридин бири болуп, у техи йеқиндила токйода өткүзүлгән шәрқий түркистан җумһурийәт күнлирини хатириләш паалийитидә «японийә дөләт сияситидә уйғур мәсилиси» дегән тимида мәхсус бир саәт доклат сөзләп, доклатида, өзиниң бир қанчә қетим японийә парламентида уйғур кишилик һоқуқ мәсилисигә даир бәзи бир лайиһәләрни оттуриға қойғанлиқини, болупму 2009-йилидики 5-июл үрүмчи вәқәси һәққидә японийә баш вәзири шинзо абейдин соал сориғанлиқини қәйт қилған иди.

Юқириқи аваз улинишидин тәпсилатини аңлаң.

Пикирләр (0)
Share
Толуқ бәт