Amérika dölet mejlisi ezaliri xitay heqqide bir qatar pa'aliyetlerge teyyarlanmaqta

2008-01-12
Élxet
Pikir
Share
Print

Igileshlerge qarighanda, amérika dölet mejlisi ezaliri, 2008‏- yilliq béyjing olimpik tenheriket yighini sewebidin, xelq'ara jama'etning diqqet itiwarining xitaygha burulghlanliqidin paydilinip, xitaydiki kishilik hoquq depsendichilikliri we xitayning herbiy xamchotini künséri küpeytiwatqanliqi qatarliq mesililerge téximu köp köngül bölüshni we bu mesililerni özlirining 2008‏- yili ichidiki eng muhim pa'aliyet merkizige aylandurushni pilanlimaqta.

Amérika birleshme agéntliqining xewer qilishiche, amérika dölet mejlisi ezaliri, 8‏- awghust küni ichilidighan 2008‏- yilliq béyjing olimpik tenheriket yighini sewebidin xelq'ara jama'etning diqqitining xitaygha burulghanliqidin shuningdek noyabir éyida ötküzülidighan amérika prézidént saylimi tüpeylidin, xitay- amérika munasiwetlirining prézidént namzatlirining eng muhim munazire témilirining birige aylan'ghanliqidin paydilinip, xitayning adaletsiz iqtisadiy siyasiti, herbiy küchini ashurush üchün yoshurun élip bériwatqan pa'aliyetliri hemde xitaydiki kishilik hoquq depsendichilikliri heqqide guwahliqtin ötüsh yighinliri ötküzüsh hemde qarar layihiliri chiqirishni, özlirining pa'aliyet kün tertipige kirgüzgen.

Amérika dölet mejlisi, tashqi munasiwetler komitétining ezasi, kirstofer simit, " xitay hökümiti, olimpik tenheriket yighinidin, dunyagha özining utuqlirini körsitish üchün paydilanmaqchi. Biz mu buningdin, xelq'ara jama'etke, xitayda kishilik hoquqning qandaq éghir derijide depsende boluwatqanliqini körsitish üchün, paydilinishimiz, kérek" dégen.

Kiristofer simt , xitay hökümitining Uyghurlargha qaratqan siyasitini dawamliq tenqid qilip kéliwatqan bolup, amérika dölet mejliside bir nechche qétim Uyghurlar mesilsini otturigha qoyghan shuningdek ötken yili amérika dölet mejlisi tashqi munasiwetler komitéti teripidin qobul qilin'ghan, Uyghurlar heqqidiki qarar layihisining teyyarlinishida muhim rol oynighan idi.

Xewerlerge qarighanda, u, amérika dölet mejlisige, amérika shirketlirining, intérnét torbetlirige cheklime qoyghan döletlerge ilghar téxnik üskünilirini sétishini chekleydighan bir qanun layihisi sunush üchün teyyarlanmaqta iken.

Pikirler (0)
Share
Toluq bet