Amérika bashqurulidighan bomba qalqan sistémisi mesiliside rusiyini hemkarlishishqa chaqirdi

2007-10-06
Élxet
Pikir
Share
Print

Amérika hökümiti jüme küni, rusiyining, amérikining yawropagha bashqurulidighan bombidin mudapi'elinish sistémisi orunlashturush pilani heqqidiki endishilirini yoqutush üchün, bashqurulidighan bomba qalqan sistémisi yasash mesilside rusiyini hemkarlishishqa chaqirip, bu mesilide rusiye bilen birlikte ishleshke teyyar ikenlikini, bildürdi.

Amérika tashqi ishlar yardemchi minstiri daniyal firid, jüme küni ötküzgen muxbirlarni kütiwélish yighinida, "eger rusiye bashqurulidighan bombidin mudapi'elinish sistémisining yasilishigha qatnashsa, bu ning rusiyige qartilghan bir pilan bolimighanliqigha ishinidu" dégen.

Amérika hökümiti, bashqurulidighan bombidin mudapi'elinish sistémisini yawropagha orunlashturush programmisigha asasen, polshagha we chéx jumhuriyitige bu mudapi'elinish sistémisini orunlashturushni pilanlimaqta. Gerche amérika yawropagha bashqurulidighan bomba qalghan sistémisi orunlashturush pilanining rusiyige emes, ottura sherq rayonidiki yadru qoralgha ige bolush üchün tirishiwatqan döletler we teshkilatlargha qaritilghanliqini tekitligen bolsimu, emma rusiye bu pilanini rusiyining milliy menpe'etige tehdit dep qarap, amérikining polsha we chéx jumhuriyetlirige bashqurulidighan bomba qalqan sistémisi orunlashturush pilanigha qarshi chiqmaqta. (Ömer qanat)

Pikirler (0)
Share
Toluq bet