Chégrisiz muxbirlar teshkilati 2007 ‏- yilliq axbarat erkinliki doklatini élan qildi

2008-01-03
Élxet
Pikir
Share
Print

Chégrisiz muxbirlar teshkilati peyshenbe küni 2007 ‏- yilliq dunya axbarat erkinliki doklatini élan qilip, pütün dunya axbarat erkinlikining ehwaligha köz yügürtti.

Doklatta 2007 ‏- yilida dunyada 86 neper muxbir bilen 20 neper axbarat yardemchisining her xil shekilde öltürülgenliki, 887 neper muxbirning qolgha élin'ghanliqi tekitlen'gen bolup, 1511 neper muxbir zorawanliq hujumi we tehditke uchrighan. 67 Muxbir görüge élin'ghan , 528 axbarat idarisining xizmetliri tekshürülgen.

Chégrisiz muxbirlar teshkilatining doklatida yene, intérnét tor bétidiki axbarat erkinliki heqqide xulase chiqirilghan hemde , dunyadiki tor bétide öz qarashlirini inkas qilghan 37 neper kishining qolgha élin'ghanliqi, 21 ining hujumgha uchrighanliqi, 2676 tor béti taqiwétilgenliki tilgha élin'ghan .

Chégrisiz muxbirlar teshkilatining mezkür yilliq doklatining axirida iraq , sumali we pakistan qatarliq döletlerde muxbirlarning eng köp öltürülgenliki ashkarilan'ghan bolup , xitayda bolsa 33 muxbirning muxbirliq salahiti élip tashlan'ghanliqi shuningdek intérnétte hökümetke qarshi pikir bayan qilghan 50 neper öktichige qamaq jazasi bérilgenliki tekitlen'gen , bolupmu xitay kompartiyisining 17 ‏- nöwetlik qurultiyi mezgilide axbarat sahesige qaritilghan kontrolluqining dunya buyiche eng qattiq yürgüzülgenliki qeyt qilin'ghan. (Eqide)

Pikirler (0)
Share
Toluq bet