B d t alahide elchisi birma hökümitini namayishni basturmasliqqa chaqirdi

2007-09-30
Élxet
Pikir
Share
Print

Birma herbiy hökümiti namayishchi rahiblarni basturup, ölüm weqelirini keltürüp chiqarghandin kéyin xelq'ara jem'iyet buningdin qattiq narazi bolghan idi. Yekshenbe küni birleshken döletler teshkilati alahide elchisi ibrahim ganbari bérmigha yétip kélip, bir qanche birma hökümet we herbiy rehberliri bilen shuningdek démokratik guruhlar rehbiri angsan suchi qatarliqlar bilen ayrim körüshüp, birma weziyitini muzakire qilish bilen birge birma rehberlirige birleshken döletler bash sékritarining aghzaki bildürüshini yetküzgen.

B d t alahide elchisi birma da'iriliridin hökümetning zorawanliq wasite ishlitip, hökümetke qarshi naraziliq heriketlirini basturmasliqni telep qilghan.

B b s agéntliqining ashkarilishiche, ibrahim gambarining meqsiti birma aliy herbiy rehbiri bilen körüshüp, ularni namayishchilarni basturmasliqqa qayil qilish hemde namayishlarni qanliq basturmasliqqa wede élish shuningdek öktichiler bilen hökümet arisida di'alog qurushni qolgha keltürüsh qatarliqladin ibaret.

Shunga u 30- séntebir küni ranggun shehiride hökümetning bésimi we qamal qilishi astida turiwatqan démokratik öktichi dahiysi , nobél tinchliq mukapatining érishküchisi ang san suchi bilen mexsus söhbet élip barghan .

Hazir ranggun qatarliq sheherlerge zor sandiki eskiri qisimlar orunlashturulghan bolup, yekshenbe küni namayish yüz bermigen. Ötken heptidiki basturushta birma terep az dégende 10 ademning öltürülgenlikini bildürgen bolsimu, biraq közetküchiler ölgenlerning sanining xéli köp ikenlikini perez qilishmaqta.(Ümidwar)

Pikirler (0)
Share
Toluq bet