Пакистан даирилири: бәнәзир буттониң өлүмидә әл - қаидиниң қоли бар

2007-12-28
Елхәт
Пикир
Share
Принт

Пакистан даирилири, алдинқи күни равалпиндида сүйқәсткә учриған пакистан өктичи партийисиниң рәһбири бәнәзир буттониң өлүмидә әл- қаидиниң қоли барлиқини испатлайдиған күчлүк пакитларға игә икәнликини билдүрди.

Пакистан ички ишлар министирлиқи җүмә күни елан қилған бу һәқтики баянатида қолидики ахбаратлар сүйқәстниң кәйнидә "әл - қаидә рәһбири" бәйтулла мәхсудниң барлиқини көрсәтмәктә, деди. Бәйтулла мәхсуд, җәнубий вәзиристан қәбилиләр районини база қилған талибанпәрәс милитанларниң рәһбири иди. Буттониң җиназа намизи җүмә күни чүшүрүлгәндин кейин, юртидики аилә қәбристанлиқиға йәни дадиси зулпиқар әли буттониң қәбрисиниң йениға дәпнә қилинди.

Лекин буттониң өлүмидин кейин партлиған аммиви топилаңлар тинҗимиди. Топилаң пакистандики җәнубидики өлкиләрдә болупму буттониң юрти синд өлкисидә бир қәдәр кәң - көләмлик болуп, һазирға қәдәр 23 адәм өлгән вә пакистан армийиси җәнубтики шәһәрләрдә қошун көпәйткән. Президент мушәррәп һәрбий вә сақчи қисимлириға һөкүмәт мал - мүлкини талан - тараҗ қилғучиларға оқ чиқириш буйруқи чүшүргән. Пешавирда мушәррәпни қоллайдиған бир сиясий партийиниң хизмәт бинаси талан - тараҗ қилинди.

Мушәррәп, әсәбий диний күчләрни буттоға сүйиқәст қилиш билән әйибләп, һөкүмәт әмәлдарлириниң вәқәдин бурун буттони көп қетим агаһландурғанлиқини илгири сүргән болсиму, лекин бәнәзир бутто америка CNN телевизийә қанилиға бурун язған бир хетидә "әгәр мән сүйқәсткә учрисам буниң җавабкари мушәррәп" дәп тәкитлигән. Буттониң қоллиғучилири һөкүмәтни буттониң кишилик бихәтәрликини қоғдашта йетәрлик тәдбир алмиди, дәп әйиблимәктә. (Әркин)

Пикирләр (0)
Share
Толуқ бәт