Бәнәзир буттониң оғли униң изини басти

2007-12-30
Елхәт
Пикир
Share
Принт

27 - Декабир күни намәлум кишиләр тәрипидин өлтүрүлгән пакистанниң сабиқ баш министири вә пакистан хәлқ партийисиниң рәиси бәнәзир буттониң 19 яшлиқ оғли билавал униң изини бесип, мәзкур партийиниң рәһбири болди.

Б б с агентлиқиниң хәвиридин қариғанда, пакистан хәлқ партийисиниң рәиси, бәнәзир буттониң ери асип әли зәрдари бирләшмә рәисликкә бекитилип, оғлиниң ишлириға маслишидикән. Пакистан хәлқ партийиси келәр йили 8 - январ күни өткүзүлидиған парламент сайлимиға қатнишидиғанлиқини елан қилған болуп, бирақ, һазир мәзкур сайлам күниниң арқиға сүрүлүши, бәлки йәнә икки айлардин кейин өткүзүш еһтималлиқи барлиқини қияс қилинмақта. Чүнки, буттониң өлүмидин кейин һәр қайси җайларда қалаймиқанчилиқ вәқәлири давамлиқ йүз бериватқан болуп, өлгәнләрниң сани 40 тин ешип кәткән.

Пакистан хәлқ партийисиниң бундақ наразилиқ қалаймиқанчилиқлириниң йәнә қанчилик давамлишиши һәмдә йәнә қандақ еғир ақивәтләр келип чиқиши һәққидә бир нәрсә дейиш һазир тәс болуп, вәзийәт наһайити муқимсиз икән.

Пакистан хәлқ партийиси пакистандики кәмбәғәлләр синипиға вәкиллик қилидиған әң чоң партийидур. Парламент сайлимиға мусулманлар иттипақиниң наваз шәрип башчилиқидики вәкиллириму қатнишидиғанлиқини билдүргән.

Русийиниң "нәвсру" учур ториниң хәвиридин мәлум болушичә, бәнәзир буттониң әл - қаидә тәшкилати тәрипидин өлтүрүлгәнлики һәққидә учурлар тарқалған болсиму, лекин террорлуқ тәшкилати дәп қариливатқан мәзкур тәшкилат бу ишқа өзлириниң қатнашмиғанлиқини билдүргән икән. (Үмидвар)

Пикирләр (0)
Share
Толуқ бәт