Benezir buttoning oghli uning izini basti

2007-12-30
Élxet
Pikir
Share
Print

27 - Dékabir küni namelum kishiler teripidin öltürülgen pakistanning sabiq bash ministiri we pakistan xelq partiyisining re'isi benezir buttoning 19 yashliq oghli bilawal uning izini bésip, mezkur partiyining rehbiri boldi.

B b s agéntliqining xewiridin qarighanda, pakistan xelq partiyisining re'isi, benezir buttoning éri asip eli zerdari birleshme re'islikke békitilip, oghlining ishlirigha maslishidiken. Pakistan xelq partiyisi kéler yili 8 - yanwar küni ötküzülidighan parlamént saylimigha qatnishidighanliqini élan qilghan bolup, biraq, hazir mezkur saylam künining arqigha sürülüshi, belki yene ikki aylardin kéyin ötküzüsh éhtimalliqi barliqini qiyas qilinmaqta. Chünki, buttoning ölümidin kéyin her qaysi jaylarda qalaymiqanchiliq weqeliri dawamliq yüz bériwatqan bolup, ölgenlerning sani 40 tin éship ketken.

Pakistan xelq partiyisining bundaq naraziliq qalaymiqanchiliqlirining yene qanchilik dawamlishishi hemde yene qandaq éghir aqiwetler kélip chiqishi heqqide bir nerse déyish hazir tes bolup, weziyet nahayiti muqimsiz iken.

Pakistan xelq partiyisi pakistandiki kembegheller sinipigha wekillik qilidighan eng chong partiyidur. Parlamént saylimigha musulmanlar ittipaqining nawaz sherip bashchiliqidiki wekillirimu qatnishidighanliqini bildürgen.

Rusiyining "newsru" uchur torining xewiridin melum bolushiche, benezir buttoning el - qa'ide teshkilati teripidin öltürülgenliki heqqide uchurlar tarqalghan bolsimu, lékin térrorluq teshkilati dep qariliwatqan mezkur teshkilat bu ishqa özlirining qatnashmighanliqini bildürgen iken. (Ümidwar)

Pikirler (0)
Share
Toluq bet