Muxbirlarni qoghdash komitéti xitaydin türme ichidiki muxbirlarni qoyup bérishni telep qildi

2008-01-31
Élxet
Pikir
Share
Print

Xelq'ara axbarat erkinliki teshkilati" muxbirlarni qoghdash komitéti" peyshenbe küni, xitayning nyuyorkta turushluq bash konsulxanisigha 500 din artuq kishi imza qoyghan teshwiqat kartini sunup, xitay hökümitining türme ichidiki 29 muxbirni qoyup bérishini telep qildi.

Muxbirlarni qoghdash komitéti bayanat élan qilip, xelq'ara olimpik komitétining 2008 ‏- yilliq olimpik murasimini ötküzüsh hoquqini xitaygha bérishtiki muhim shertlirining biri, xitay da'irilirining axbarat erkinlikige keng yol qoyushi bolsimu, lékin xitayning bügün'ge qeder türme ichidiki 29 neper muxbirni qoyup bermigenlikini otturigha qoydi.

Bayanatta yene, bu yil yazda pütkül dunyaning xitayni alahide közitidighanliqi, bolupmu xitayning öz wediside qanchilik derijide turidighanliqi diqqetke élinidighanliqi tekitlen'gen.

Xitayning nyuyorktiki bash konsulxanisigha sunulghan teshwiqat kartlirigha 500 din artuq kishi imza qoyghan bolup, imza qoyghuchilar meshhur muxbirlar, birleshken döletler teshkilatining xadimlirini öz ichige alidiken.

Xitay olimpik murasimining sahipxanliqigha érishkenlikidin intayin memnun bolsimu, biraq buning bilen teng xitayda yüz bériwatqan kishilik hoquq depsendichiliklirining qanchilik derijide éghir ikenliki dunya jama'etchilikige izchil türde ashkarilinip kelmekte. (Eqide)

Pikirler (0)
Share
Toluq bet