Hindistan bash ministiri manmuhan sinx xitayni ziyaret qildi

2008-01-15
Élxet
Pikir
Share
Print

Hindistan bash ministiri sinx béyjingde élip barghan üch künlük ziyaritini axirlashturdi. Sin'gir xitayning yuqiri derijilik emeldarliridin xu jintaw we wén jyabawlar bilen ayrim ‏- ayrim körüshüp, ikki terepning istiratégiyilik hemkarliq munasiwitini yenimu tereqqi qildurush üchün ortaq tirishchanliq körsitishni teshebbus qildi.

Xitay dölet re'isi xu jintaw ": gerche bu qétimqi ziyaret nahayiti qisqa bolghan bolsimu, biraq netijilik boldi" dédi . Bu arida xitay tashqi ishlar ministirliqining bayanatchisi ching gang " hindistan ministiri sin'girning ziyariti, ikki terep munasiwitining dawamlishishida muhim rol oynash bilen teng, ikki döletning kelgüsidiki tereqqiyati üchün intayin ehmiyetlik " dep bildürdi.

Sinx 5 yildin buyanqi, tunji qétim xitaygha ziyaretke kelgen hindistan bash minstiri hésablinidu. 1962 ‏- Yili hindistan xitay otturisida partlighan chégra talishish urushidin kéyin, ikki terep otturisidiki bu ixtilap hazirgha qeder hel bolmay kelmekte. Sin'gir sözide yene ikki terepning 2005 ‏- yili birlikke kelgen prinsip buyiche her ikki terep qayil bolidighan charilerni ishqa sélip mesilini hel qillalaydighanliqigha ishenchi bar ikenlikini bildürdi.

Ikki terep , soda, énirgiye we muhit qatarliq saheler buyiche téximu köp hemkarliq élip bérish teshebbüslirini bildürdi.

Bu arida xitay metbu'atlirida hindistanning 2009 ‏- yili tunji qétim qit'eler ara uchidighan bashqurulidighan bomba siniqi élip baridighanliqi we mezkür bombining étilish musapisi yawrupagha yétidighanliqi élan qilindi.

Pikirler (0)
Share
Toluq bet