Kishilik hoquq közitish teshkilati xitayning 2004 - yilliq kishilik hoquq weziyitini eyiblidi

2005-01-14
Élxet
Pikir
Share
Print

Amérikidiki kishilik hoquq közitish teshkilati jüme küni 2005 - yilliq kishilik hoquq doklatini élan qilip, dunyada eng köp nopusqa ige bolghan xitayning, adettiki kishilik hoquq erkinlikigimu dexli terüz qilip dawamliq türde dunyadiki " qattiq qol dölet" hésablinip kelgenlikini otturigha qoydi.

Roytéris agéntliqining xewiride körsitilishiche, kishilik hoquq közitish teshkilati mezkur 15 - qétimliq doklatida yene, xitay hökümitining Uyghur éli we tibetke oxshash yiraq gherb rayonlirini dawamliq qattiq kontrol qiliwatqanliqini, bolupmu xelq'ara térrorchiliqqa qarshi urushni yéqindin qollaydighanliqini körsitish arqiliq Uyghur musulmanlirini basturushta xelq'araning yardimige érishishke, bolmidi dégende xelq'araning buni ün - tinsiz étirap qilishini qolgha keltürüshke köp tirishqanliqini bildürdi.

Mezkur doklatta yene, xitay hökümitining Uyghur we tibet élide medeniyet we diniy pa'aliyetlerni qattiq basturidighanliqi, buningdin sirt yene bu rayonlarda, siyasiy pikri oxshash bolmighanlarni tutqun qilish, yépiq sot échish hetta ölüm jazasi bérish ehwalliriningmu köp yüz bériwatqanliqi körsitilgen.

Kishilik hoquq közitish teshkilati doklatida yene, xitay hökümitini intérnét, falun'gong, xongkong, tyen'enmén weqesi we ishchilar hoquqi qatarliq nurghun témilarda tenqidlidi. Xitay tashqi ishlar ministirliqi jüme küni bu heqte inkas qayturup, mezkur doklatning bir tereplime we mes'uliyetsiz halda chiqirilghanliqini hemde buninggha siyasiy meqset ariliship ketkenlikini bildürdi. (Peride)

Pikirler (0)
Share
Toluq bet