Төт дөләт һәмкарлиқидики асия әркинлик-баяшатлиқ йерим чәмбирики

2007-08-22
Елхәт
Пикир
Share
Принт

японийә баш министири шинзо абе 22 ‏- авғуст күни һиндистан дөләт мәҗлисидә нутуқ сөзлигән. Франсийә агентлиқиниң баян қилишичә, шинзо абе 'японийә-һиндистан мунасивитини икки дөләтниң асасий қиммәт қариши вә истратегийилик мәнпәәти бир нуқтиға кәлгәнликиниң ипадиси' дәп тәсвирлигән вә америка, японийә, һиндистан, австралийидин ибарәт төт дөләт һәмкарлиқидики 'асия әркинлик-баяшатлиқ йерим чәмбирики' ни алаһидә гәвдиләндүргән.

японийә баш министири шинзо абениң бу қетимқи һиндистан зияритигә, японийиниң муавин иқтисад-сода министири масаказу тойота йетәкчиликидики митсубиши, тойота, канон, хитачи қатарлиқ 4 чоң ширкәтниң 200 дин артуқ мәсуллири қатнашқан. Һиндистан сода министири камал натниң ейтишичә, йил ахиридин бурун бу икки дөләт оттурисида, йеңи деһли-момбай санаәт бәлвеғини худди токйо-осака иқтисадий бәлвиғидәк гүлләндүрүш үчүн көп хил келишим түзүлидикән. Буниң билән икки дөләт оттурисидики иқтисадий мунасивәт келәр 5 йил ичидә икки һәссә ашурилидикән.

Америка авазиниң баян қилишичә, шинзо абе һиндистан дөләт мәҗлисидә, 2000 ‏- йили америка президенти килинтондин кейин нутуқ сөзлигән тунҗи дөләт башлиқи болуп һесаблиниду. Шинзо абе гәрчә хитай дегән намни тилға алмиған болсиму, әмма мулаһизичиләр униң нутқини хитайға қаритилған дәп қаримақта.(Вәли)

Пикирләр (0)
Share
Толуқ бәт