Һиндистан хитай ширкитиниң мумбайдики порт ясаш программисиға қатнишишини рәт қилди

2006-08-30
Елхәт
Пикир
Share
Принт

Һиндистан даирилири бир хитай ширкитини мумбайдики йүк чүшүрүш портини ясаш қурулушиға қатнишишқа йол қоймиған. Мәлум болушичә, буниңға бихәтәрлик амиллири сәвәп болған икән.

Америка бирләшмә агентлиқиниң билдүрүшичә, һазир бу портни ясаш қурулушини һөддигә елишни тәләп қиливатқан 10 ширкәт бар болуп, буниң арисида пәқәт хитай ширкитила бихәтәрлик тәкшүрүшидин өтмигән. Қалған 9 ширкәтниң арисида японийә вә дүбәйдики порт ясаш ширкәтлиридин башқа йәнә, тәйвән ширкитиму бар икән.

Һиндистан даирилири хоңкоңдики бу хитай ширкитиниң пәқәт мумбайдики бу портни ясашқа қатнишишила чәкләнгәнликини, бу қарарниң пүтүн һиндистан тәвәсигә қаритилмиғанлиқини әскәртти. Хәвәр қилинишичә, бу портқа йеқин җайда һиндистан деңиз армийә базиси бар икән.

Һиндистан тәрипидин чәкләнгән бу хитай ширкити һазирғичә мәзкур хәвәрни етирап қилмиди. Шундақла һиндистанға давамлиқ мәбләғ селишни халайдиғанлиқини билдүрди.

Гәрчә 1962‏- йилидики чегра урушида шәкилләнгән соғақ мунасивәтләрдин кейин, йеқинқи йиллардин буян хитай-һиндистан мунасивәтлиридә бир қатар яхшилинишлар көрүлгән болсиму, лекин улар арисида йәнила бир-биригә қарита гуман мәвҗут болуп турди. (Пәридә)

Пикирләр (0)
Share
Толуқ бәт