Һиндистан баш министири сиңк хитайни зиярәт қилиш үчүн бейҗиңға йетип кәлди

2008-01-13
Елхәт
Пикир
Share
Принт

Һиндистан баш министири манмихан сиңк йәкшәнбә күни бейҗиңға йетип келип, үч күнлүк рәсмий зияритини башлиди. Шинхуа агентлиқиниң хәвиридин қариғанда, сиңк бейҗиңға йетип кәлгәндә, униң алдиға хитай алий рәһбәрлири көрүшкили чиқмиған болуп, йәкшәнбә күни һечқандақ рәсмий учришиш паалийәтлири өткүзмәй , пәқәт бейҗиң шәһириниң муавин башлиқи ченгаңниң һәмраһлиқида олимпик тәнһәрикәт йиғинниң қурулушлирини зиярәт қилған һәмдә хитайниң олимпик йиғини өткүзүшкә тәйярлиқ қилиш җәрянида зор әқил параситини намаян қилғанлиқини махтиған.

Бу манмихан сиңк һиндистан баш министири болған 2004-йилидин буянқи төт йил ичидә биринчи қетим бейҗиңни зиярәт қилиши болуп һесаблинидикән. Бу қетим у хитай баш министири вен җябав, дөләт рәиси ху җинтав һәм ву баңго қатарлиқлар билән соһбәт өткүзиду һәмдә икки дөләтниң иқтисади, мәбләғ селиш вә һәмкарлиқ орнитиш мәсилисигә аит алий рәһбәрләр йиғинида сөз қилиду, шуниңдәк хитай рәһбәрлири билән аз дегәндә бәш хил келишимгә имза қойиду.

Йеқинқи йиллардин буян икки дөләт мунасивәтлири яхшилинишқа қарап йүзләнгән болуп, икки дөләт содиси37 милярд долларға йәткән. Әмма, икки дөләт арисида йәнила көплигән ихтилаплар бар болуп, бири тибәт мәсилиси, йәнә бири чегра мәсилиси болуп, 1962-йили хитай билән һиндистан чегра талишип, бир мәйдан қанлиқ җәң қилған иди. Һиндистанниң йеқинқи йиллардин буянқи һәрбий тәхника җүмлидин башқурулидиған бомба, авиаматка вә илғар күрәшчи айропилан техникилири вә башқилар хитайдин ешип кәткәнлики үчүн бейҗиңниң бир милярд нопуслуқ бу дөләт билән яхши отушкә тиришишқа мәҗбур болғанлиқи билдүрүлмәктә. (Үмидвар)

Пикирләр (0)
Share
Толуқ бәт