Hindistan bash ministiri manmaxan sin'g xitay rehberliri béyjingda uchrashti

2008-01-14
Élxet
Pikir
Share
Print

Düshenbe küni, xitay we hindistan rehberliri béyjingda uchriship ikkinchi qétimliq birleshme herbiy manéwir ötküzush we ikki terep arisidiki soda munasiwetlirini téximu ilgiri sürüsh toghrisida söhbet ötküzdi.

Hindistan bash ministiri manmaxan sin'g xitayda üch künlük ziyaritini dawamlashturuwatqan bolup, u besh yilidin buyan xitayda ziyarette bolghan tunji hindistan bash ministiri.

Birleshme agéntliqida körsitilishiche, manmaxan sin'g xitay bash ministiri wén jyabaw bilen uchrashqanda hindistanning xitay bilen öz-ara munasiwetlerni ilgiri sürüshke eng muhim ishlar süpitide mu'amile qiliwatqanliqini bildürüp: "biz xitay bilen paydiliq we hemkarliq xaraktéridiki munasiwetni shekillendürüshke alahide étibar bériwatimiz" dégen.

U yene, xitay bilen hindistan aliy derijilik rehberliri arisida élip bérilghan her xil türlerdiki söhbetlerning bu ikki dölet arisidiki diplomatik munasiwetlerni ilgiri sürüshke intayin zor töhpe qoshqanliqini alahide tilgha alghan.

Bu ikki dölet bash ministirliri, xitay xelq sariyida uchriship bolghandin kiyin xitay- hindistan arisidiki uzun yilliq chégra mesilisidiki soghuqchiliqini yumshitish we mezkur ikki dölet arisidiki soda munasiwetlirini öz ichige alghan bashqa munasiwetlerni ilgiri sürüshke a'it her xil kélishlerge imza qoyghan.

Melum bolushiche, bu nöwet imzalan'ghan soda kélishmide ikki terep arisida élip bérilidighan soda omumiy sommisini 2010 - yilgha qeder ilgiriki 40 milyard dollardin 60 milyard dollargha yetküzush békitilgen.

1962- Yili xitay hindistan arisida yüz bergen chégra urushidin buyan xitay-hindistan munasiwetliri izchil yaman bolup kelgen bolup shundin étibaren xitay we hindistan rehberliri 11 qétim söhbet élip barghan idi.

Pikirler (0)
Share
Toluq bet